🌹❤عيناها سبب عشقي 🌹❤

39

🌸الحلقة 39🌸: اكرام تحكي:
عندو شهرين ملي راح وانا ماسمعتش خبر عليه كرشي بدات تبان شوية ووحمي جا عليه الفرخ راني ساخفة عليه وضرك حابة ناكل شيكولة

عند معاذ:
الممرض:دكتور دكتور المريض بدا يفيق مالغيبوبة
وحالتو راهي مستقرة
الطبيب:جهزو المريض وابعثوه لغرفة عادية
الممرض: حاضر دكتور

بعد مانقلوه للغرفة بدا يستعيد وعيو اتفكر اللي صار الكل وهو توحش الدار وخاصة ملكة قلبو اكرام

جازت سمانة بعد ماتحسنت حالة معاذ خرج مالسبيطار عيط لباباه
معاذ:الو بابا لاباس اذا مراكش وحدك اخرج بعد عليهم
السي الحسين:راني وحدي اولدي علاه ماعيطتش واش اللي صرا
معاذ حكا لباباه كلش
السي الحسين: اللطف على وليدي وضرك راك بخير
معاذ:بخير الحمد الله متخافش سقساه على يماه واكرام
السي الحسين :عندي ليك خبر يهبل
معاذ: واش هو بابا
السي الحسين:اكرام بالحمل يا ولدي حاملة بتوأم
معاذ: الوجع نساه وبقا يضحك كوبا على باباه بلا ما يبقيه على خير السي الحسين ضحك على هبال ولدو وارتاح بعد ما حكى معاه وعرف انو حالتو بخير