#المستشفى
.
.
.
الحلقه العاشرة
.
.
.
انا>> تي البلوزه السودا كيف ايامي وينها
يا ماما
امي>> تي كنك طالقه تعيطي
انا>> بلوزتي السودا وين
امي >> انتي تقول ما عندك هالبلوزه
انا>> وينها بس
امي>> اهي "وكانت في يدها خرقه ملطعه بالبوطاس لونها باهت و متبهدله"
انا>> ماما هذي خرقة بلوزتي وين
امي>> لقيتها في سلة الغسيل نحسابها خرقه طلعتها وقعدت نمسح بيها
انا>>خرقه يا ماما ؟
جا منذر يجري من الدار
منذر>> كنكم ليش تعيطو
عزقت ماما لبلوزه على وجي وطلعت
انا>> بلوزتي بحت شن دارتلها😢😂
منذر>> هذي بلوزتك الي كيف وجك😂😂 الله يربحها امي باهي لي خذتها فكتنا منها
انا>> اطلع باه
منذر>> دوري من يشيلك القبس😌
انا>> غير بلا دراه كبد واطلع برا
منذر>> مش شايلك 😌
انا>> منذذذذذر 😠
منذر>> وتي روحك قدامك نص ساعه تطلعي ولا نعدي ونسيبك
انا >>باهي أطلع
طلع منذر و لبست دبشي و مشيت القبس
منذر>> الساعه كم نجيك؟
انا>> بعد نرن عليك تجي
وطلعت قبس شيرتلي من عند الباب
انا >> انت هيه باهي ؟
منذر >> اه باهي باهي مطوليش
نزلت ومشيت عند قبس
قبس>> اهلا وسهلا خشي خشي
وخشيت انا وقبس و سلمت علي امها وخشينا للدار
قبس>> يا حقيره ما جيتيش للعرس
انا >> انتي عارفه شن صار معايا من مشكله عصام وجيبت مراته و المستشفى وخلطت عندي
أنت تقرأ
المستشفى (للكاتبة آيه)
Action منذُ أن جمعتني الأيامُ بكِ ، وأنا أُدرِكُ تمامًا كيف يستطيعُ الإِنسان أن يكون دواءً لـِ الروح💙.
