#المستشفى
.
.
.
الحلقه الثلاثون
.
.
.
فتحت الباب كانت جمانه جايه بيجامتها بكل و بطنها
قدامها
انا << كنت نبي نكلمك خشي خشي
جمانه<< نزلت لوطا ما لقيت حد عمتي مش قاعده و الحوش فاضي بنطلع برا للجنان لقيته صقع
انا<< تعالي باهي لي جيتي مكسده بكل كنت نضم
جمانه<< حي عليا انا علي الحوش من اول ما حملت و ما درت فيه شي وكل ما نبي نضم نادر يقعد يعارك ويهزب
انا <<ساد المره لي فاتت مرضتي وياما صار فيكي من تعب المستشفي
وقعمزت علي الكنبه في الصاله وخشيت للمطبخ
جمانه من الصاله<< تعالي قعمزي خلينا نهدرزو ما ديري شي
انا << هيا جايا
وجبت عصير وجيت حذاها
جمانه<< بكرا مستشفي
انا << اها من بيشيلنا خطرها
جمانه<< هو في غيره منصف
انا << حا يكرهنا... كم يوم ومروحين ما قالكش نادر
جمانه<< لاالا قالي 3 ايام ل اسبوع
فتحت شيبس ومديته لها << واجد
جمانه<< بكل كلمت اختي تجي تقعد معايا
انا<< محمد قتله نبات عند هلي قالي لا
جمانه<<محمد حصله 🤦🏻♀️
انا<< حتي موضوع السواقه مسكره عليه
جمانه<< مش يشيل فيك خلاص اريحلك
وولعنا انا وياها التلفزون وقعدنا نهدرزو
.
.
.
محمد
وصلت لطرابلس ونزلنا في الفندق انا والشباب وخذينا غرفتين
الامير نادر يبي غرفه بروحه عشان يكلم البرنسيسه جمانه براحته وانا ودكتور عمر مع بعضنا
دكتور عمر<< انقني جيعان
محمد<< حتي انا
دكتور عمر<< نادر تجي معانا بننزلو ناكلو
نادر<< لالا بنركب انا جيبولي اي حاجه معاكم
محمد<< اللهم طولك يا روح
ونزلت لوطا انا ودكتور عمر
نادر رن علي جمانه<< ايوا
جمانة>> شنو وصلتو؟
نادر>> توا كيف خشينا
جمانه<< الحمد لله علي سلامتك حبيبي بس طولتو
نادر << اها تعطلنا فالمطار
جمانه<< اهااا باهي الحمد لله وصلتو
نادر<< حذاك حد؟؟
جمانه<< اها قاعده عند نوران
نادر<< وانا نقول😂 خلاص معناها ننزل مع الشباب ناكل معاهم قبل نحسابك بروحك و في الليل نحكو عندي اجتماع بعد ساعتين
جمانه<< باهي رد بالك علي روحك
نادر<< حتي انتي باي
ونزل نادر لوطا
محمد<< غيرت رايك
نادر<<وين دكتور عمر
محمد<< يدير في تلفون
نادر<< اها كلمت جمانه قالت لي انها عند نوران
محمد خبط راسه << اوف نسيت نقوللها اني وصلت
YOU ARE READING
المستشفى (للكاتبة آيه)
Action منذُ أن جمعتني الأيامُ بكِ ، وأنا أُدرِكُ تمامًا كيف يستطيعُ الإِنسان أن يكون دواءً لـِ الروح💙.
