المستشفى (للكاتبة آيه)

11

#المستشفى
.
.
.

الحلقه الحاديه عشر
.
.
.
انا>>منذر يا منذر

منذر>> تي كنك

انا>> هيا واتيه انا

منذر>>عليك سرعه اصبري شوية ندير جل

انا>> عليك سريب😒

قعدت نسقم في روحي علي المرايا ونسقم في مكياجي وطلع منذر ولقينا عصام قدام الباب

عصام>> وين علي خير ؟ طالعه هكي لا مشاوره لا دباره

منذر>>تحق فيها طالعه مع واحد ساقط ولا كيف ؟ تهيالي باتي قالك معش تدخل فيها صح ؟ ولا تحب نخشله نخليه يعاودلك الكلمتين لي قالهن لك من قبل ؟

بحت عصام في منذر و برم بحت فيا وخش وطبق في وجوهنا الباب

انا>> استغفرالله العلي العظيم لازم ينكد عليا ما يبقش عصام كان ما دارها

منذر>> اركبي اركبي بس حسابه بعدين معايا

ركبت فسياره وركب منذر

انا>> فوته خلاص تو نمشي اليوم وبكرا مش ماشيه ما فيش داعي

منذر>> بلا خوف خوك لي شايلك مش ولد شوارع غير هوا يحب يبين روحه انه واعر و جنتل قدامنا فوتيه وساهل بكرا

انا>> ان شاء الله

وصلني منذر الجمانه ونزلت من السياره فيه عرم رجاله في الشارع وكان هرجه وناس و معلقين ضوايا في الشارع

خشيت جوا لقيت مجموعة بنات مقعمزات وفيه بنت تشبه جمانه

انا>> خير معلش وين جمانه

البنت>> في الصالون لي برا مع البنات تعالي معايا

انا>> باه

وشالتني البنت للصالون كانن ملتمات فيه صبايا وبرا مولعين اغاني

جمانه>> حبي انستيني واخيرا

انا>> ههههه الله يسلمك

جمانه>> تعالي تعالي قعمزي

انا>> مشاء الله صبغتي شعرك

جمانه>> اه يا ستي معش فيها امس عديت درتا عشان يطفي اللون وياخذ وقته ما بيتش ندير كل حاجه يوم الزفه قلت بشوي بشوي

انا>> صدقتي ...قتلك نبي حمام نحول عبايتي ونسقم شكلي

جمانه>> راجي... اريج يا أريج

أريج>> نعم

جمانه>> شيلي نوران للحمام .... هذي اريج احتي الصغيرة

انا>> تشبه لك بكل

جمانه>> اها يقولو لي فيها

وطلعت مشيت للحمام سقمت شكلي وسلحت العبايه وطلعت رديت احذا جمانه وطلعت بعدها برا قعمزت علي الكرسي في الجنان وكانو دايرين فيه كراسي وطاولات
.
.
.
اما عند وفاء فكانت عكس جمانه