#المستشفى
.
.
.
الحلقه الرابعه والثلاثون
.
.
.
محمد مسك يدي << وقفنا قدام باب الحوش
انا<< ما خاطركش تخش؟
محمد<< من يوم طلعتي من الحوش هضا وانا قريب ننكلب عليكي وما خشيتلش بكل
انا<< ولا انا خشيتله
محمد << اوعديني توا نخشوله ومعش نطلعو ونحن متزاعلين
انا<< وعدددد
محمد مسك يدي وفتح الباب وخشينا مع بعضنا
انا <<غريبببه الحوش نظييييف
محمد<< يوم لي كنت نبي نجيبك فيه قلت للخدامه لوطا تركب تنظفففه
انا >> اها
محمد<<بنخش ندوش انا
انا<< باهي نوتيلك دبشك ونخش بعدك
محمد حط يده اليسار علي لحيته ولخرا مجبسه ومرفع حاجبه يبحت فيا
انا <<شن فيه ؟
محمد<< احيه يدي
انا << كنك بسم الله
محمد<< تعالي خشي معايا يدي توجع فيا 😌 مش حا نقدر نجيب لميه شورها مجبسه انتي دوشيني
انا << نعممممممممم
محمد<<ترضيها نقعد هكي
انا نبحت فيه ونضحك<< لا بجد الخبطه مأثره علي دماغك
.
.
.
في الفيلا لوطا
حلا << ظهري
هنده<< خلاص كملنا نحطو الغدا بس
حسناء<< رنا وريهام وين
هنده<<الكلبات هربن
حلا<< تو يجن كيف ناضن
خش نادر<< محمد وين جدي يسأل عليه
جمانه<< فوق في حوشه
نادر << بعد ينزل قولي له يجيي للمربوعه لي برا
جمانه<< باهي
وطلع نادر برا وبعد شويا هكي نزلت انا ومحمد قعمزت حذاهم و طلع محمد للرجاله
حطو الغدا و قعدنا نتغدو ونهدرزو
جمانه<< مش مصدقه امتي نجيب بطنيييي مضايقتني
ام محمد بحتت في نوران<< وانتي مافيش حاجه
انا سكتت ومعش عرفت نرد السؤال مش وقته ردت بدالي جمانة
جمانه<< والله مازالت صغيره ومازالو يعتبرو عرسان مازالو خمس شهور
ام محمد<<محمد مش صغير
انا << ان شاء الله خير
هنده غيرت الموضوع بكل<< سمح المحشيي
حلا<< اها بكل
وانا ناكل واضايقت من الكلام لي صار كليت شويه وصبيت
بعد الغدا ضميت معاهم الحوسه و ركبت انا وجمانه كل وحده لحوشها
محمد << بنرقد انا واعيني علي العصر جايين جماعه اصحابي
أنت تقرأ
المستشفى (للكاتبة آيه)
Action منذُ أن جمعتني الأيامُ بكِ ، وأنا أُدرِكُ تمامًا كيف يستطيعُ الإِنسان أن يكون دواءً لـِ الروح💙.
