#المستشفى
.
.
.
الحلقه الواحده والاربعون
.
.
.
انا نحكي معاه نسمع صوت حد يناديله
انا << منو ؟؟
محمد<< دكتور عصام
انا<< يعني بتصكر 🙄
محمد<< لا مش مصكر خليكي معايا علي الخط
انا <<باهي
محمد << نعم يا دكتور
عصام<< لغو اجتماع اليوم يعني ليوم الدورة بس الساعة 5
محمد << تمام بكل ، الو
انا<< ايوا
محمد << اهو التغى الاجتماع
انا<<باهي عالاقل اتريحو شويه
محمد<< صبي مش ماشيه للمتسشفي
انا<< ماشيه اها بس الساعه 10 مع جمانه ونادر
محمد<< باهي مش ناقصك شي ؟
انا<< ناقصني انت 😌
محمد<< هانت خلاص
انا<< مازال 20 يوم
محمد<< تي وين الحسبه 😂
انا << 😂😂😂
محمد << خلاص بنعدي نلبس وننزل لشباب نفطر
انا<< وانا نوتي روحي خلاص
محمد<< رد بالك من روحك
انا<< حتي انت باي
وصبيت ضميت الدار وخشيت توضيت و صليت و حطيت ميه تغلي علي النار و مشيت طلعت لبسه
صبيت القهوه في كبايه و مشيت لبست علي السريع ووتيت روحي و خذيت القهوه ونزلت للجنان نراجي في جمانه و نادر ينزلو
لقيت حلا لوطا
انا << صباح الخير
حلا<< صباح النوم
انا<< كنك مريضه ؟
حلا<< لاوالله حايسه في الامتحانات بكل اليوم اخر يوم
انا<< ييي ربي يوفقك
حلا << ان شاء الله يارب
انا<< في حاجه اخرا غير الامتحانات؟
حلا << لالا بس هكي مضايقه
انا<< من منصف ؟
حلا<< لالا من سامي خويا
انا<< كيف صار؟
حلا<< نحس فيه شاك فيا انا و منصف لانه معش قعد يخلي فيا نمشي معاه من قبل كان يفرح لما منصف يقوله خليها تو نشيلها يتريح من المشوار بس اخر فتره ما فهمتش كنه
انا << غريبه ....معناها خففي مع منصف و معش اتلاقو واجد و تو تفرج ويجي يخطبك رسمي
حلا << ان شاء الله أهو سامي نزل خلاص نحكو بعدين
انا<< تمام
سامي << صباح الخير
انا|<< صباح النور
عدت حلا وقعمزت عند النافوره
.
.
.
عند نادر وجمانه
جمانه<< الساعه 9 ونص هيا يا نادر مازلنا بنحطو آدم عند ماما
نادر<< وعليش عند امك
جمانه<< ليا كم يوم نحط فيه تحت ثقلت علي هلك
نادر<< غير خليه لوطا مفيش وقت
جمانه<< باهي نغير له قبل
نادر << باهي
أنت تقرأ
المستشفى (للكاتبة آيه)
Action منذُ أن جمعتني الأيامُ بكِ ، وأنا أُدرِكُ تمامًا كيف يستطيعُ الإِنسان أن يكون دواءً لـِ الروح💙.
