حينَ رأيتكِ "فصلية"

˹٦˼

˼حـــيـــنَ رأيـــتـــكِ˹

البـارت السادس
العنوان .. هل انا قاتلة؟ .

/ قـبل القرائـة تـصويت فضـلاً لـدعم الـرواية \

• • •

داسمع صوت امي تصارخ
واباوع للگاع اشوف دم
والعودة واگعة من ايدي

دنگت للگاع واباوع لأبوي واگع وراسه داينزف دم بشكل مو طبيعي واكو جرح صاير براسه بسبب احد البسامير الموجودة بهل عودة ..

ميسون:: مااااجد ، مااااجد رد عليييييه شبيييك

باوعتلي امي ونظراتها ما عرفت شلون افسرها بس چانت غير عن كل مرة
صيحت عليه بصوت عالي ومبحوح صوتها ..

ميسون:: لچ شسووووويتيييي! ، كتلتيييي ابووووچ

اريد ارد
احس لساني ثگيل ومداگدر انطق
ضليت اباوع للدم واباوع لأبوي الحالته حالة
وما اعرف شنو اسوي
مصدومة
شسويت اني؟

امي تحرك بأبوي وابوي مثل الجثة
گامت من مكانها وطلعت بره البيت تركض وبقتني وحدي يم ابوي مادري يم جثة ابوي؟

ما طولت خمس دقايق ودخلت امي ومنهارة ووراها ثنين ولد من جوارينا ومرة ويه امي
هل ولد اجوي شالوا ابوي من الگاع والمرة تحاول تهدء بأمي بس امي منو اليگدر يهدئها وهي بهل انهيار

طلعوا وامي والمرة طلعوا وراهم واني بقيت بمكاني مثل الصنم بوسط الدم لا تحركت ولا انطيت ردة فعل لا من اجوي ولا من راحوا ..

˝˝˝˝˝˝˝˝˝

- دكافي مو چنچ لحيتي؟

- معليچ

- لچ بابا هاي مو مال نازوكيين مثلچ هاي مال حجي عبدالله

- انچبي

- شيلان گومي خبزيها احنا جايين ندرس لو نلعب؟! ، شيلان ، شيلان؟ ، شيلاااااان

فزيت على صوتها العالي ورديت عليها بصوت اعلى ..

شيلان:: وجعاااااا شترديييين

حوراء:: وجع بگلبچ لچ

شيلان:: خييير ولچ شتردييين

حوراء:: سلامتك حجي بس رايدين تشوف النا حل ويه ريم

شيلان:: دعوفيها يمعودة شبيچ وياها

حوراء:: دشوفي شوفي شلون تضرب بهل چيس دوختني

ريم:: والله حلو هذا مال ملاكمة يرادلي واحد

حوراء:: يعني لازم اعيد كلامي واگلچ هذا مو مال نازوكيين؟

ريم:: وهم اعيدها واگلچ انچبي

حوراء:: اگلك حجي انتَ شعندك مخلي بغرفتك چيس ملاكمة شني السالفة

شيلان:: تدرين هاي بالتواسيل يلا خليت ابوي يجيبه الي يگلي شنو ولد بس بطريقتي الخاصة خليته يجيبه لأن مثل ما تعرفين احب الملاكمة وبنفسييي اصير ملاكمة