حينَ رأيتكِ "فصلية"

˹٢٧˼

˼حـــيـــنَ رأيـــتـــكِ˹

البـارت السابع والعشرون
العنوان .. اجبار .

/ قـبل القرائـة تـصويت فضـلاً لـدعم الـرواية \

• • •

آسر:: من ترجعين لأهلچ حضري روحچ لأن ورة كم يوم اجي اخطبچ

ضليت اباوع اله وما عرفت شنو أرد عليه
ابتعد عني ومن بعدها گال ..

آسر:: روحي لغرفتچ ونامي

هزيت براسي وبسرعة طلعت من الصالة ركض لغرفتي دخلت للغرفة وخليت مؤمل على الچرباية وسديت الباب ونزعت العباية والحجاب وعلگتهم ورحت للچرباية وگعدت عليها

شلت مؤمل بحضني ورجعت احاول اسكت بي
بس بالي مو يمه لا رايح بعيد ، معقولة آسر اقتنع يتزوجني؟! ، زين وشروق؟!

گمت من مكاني وصرت افتر بالغرفة وشايلة مؤمل واحاول اسكته وما هدء اله بعد ما شلع گلبي

نام بحضني ورحت للچرباية وامشي على كيفي خايفة يگعد مرة لخ شلون راح اسكته ، خليته على الچرباية وبعدين اخذت الدشداشة الأنطتها الي ضحى ، نزعت الفستان ولبست بداله هل دشداشة ورحت تمددت على الچرباية وصافنة على مؤمل لونه گالب على احمر من كثر ما بچه اليوم

كلش انقهرت من ضل يبچي ما توقعت يجي يوم مؤمل يهدء بحضن غيري چان ما يهدء اله بحضني ، شدعي عليچ عمتي ليش هيچ عودتي عليچ وخليتي يحسني غريبة مو امه

ضليت اباوع اله لحد ما نعست ونمت
متعودة كل يوم اگعد على صوت هوسة بس هل مرة صوت الهوسة چان يختلف

گعدت وعيوني گوه مفتحتها بس شسوي لازم اگعد من وره هل اقتحام ..

انوار:: الـ**** بنت الـ**** 

دخلت للغرفة وچانت نظراتها كلش تخوف
هاي شكلها راح تموتني
من الخوف وگفت على الچرباية نوبة طفرت وركضت للباب قبل لا تلزمني وطلعت من الغرفة اركض وهاي صارت تركض وراي عود عجوز وما بيها حيل تمشي شو صارت تركض وراي سريع بسرعة بيب بيب

شفت عمي طالع من الصالة وچان وراه آسر بس شفت آسر عبالك شفت الدرع الراح يحميني نسيت الصار البارحة تماماً وشفته بعيني آسر القديم اليگلب الدنيا اذا شخص غلط بحقي

ركضت وراه وشعري يطير بالهوه
من الخوف حته شالي ما اخذته
رحت لآسر وختلت وره ظهره ولازمة بملابسه حيل

تذكرت اليوم الدخل عليه عادل وچان بيده سلاح
صار الموقف مشابه اله ..

انوار:: القندرة ****

آسر:: يمة شهل الفاظ؟!

انوار:: انچب انتَ

جمال:: خيييير شكوو صوووتچ يلعلع من الصباااحيااات