حينَ رأيتكِ "فصلية"

˼بارت إضافي˹

˼حـــيـــنَ رأيـــتـــكِ˹

العنوان .. بارت إضافي .

/ قـبل القرائـة تـصويت فضـلاً لـدعم الـرواية \

• • •

بثينة:: لك الحگنيي ، اا ا آسر شبيييييك اگعد

وصرت أضرب على ظهره والدموع تنزل من عيني من كثر الوجع ، صرخت وويه صرختي صيحت عليه بصوت عالي وگلت ”اگعد“

گعد وخطيه مبين عليه حيل نعسان ، حچه بصوت ذبلان من كثر النعاس وگال ..

آسر:: ولچ شبيچ

بثينة:: شبيييه؟! ، صارلييي سااعة اگعد بييييك وانتَ مطنشنيييي ، لك راااح اموووت اخخخ

انخبص من شاف حالتي واتقرب من يمي ولزم بأيدي وحچه بتوتر ..

آسر:: شنوو راح تولدييييين؟!

بثينة:: اييييي ، الحگنيييي ولك بنتك موتتنييييي

گام من مكانه وصار يحضر بنفسه على السريع واني گاعدة بمكاني وأون ون ، من كمل اخذ السويچ مال سيارته وتوجه للكنتور وفتحه وطلع الي صاية وشمرها عليه نوبة طلع شال وهم شمره عليه وهنا صحت ..

بثينة:: لااااا

آسر:: شنو لا؟

ايد على بطني والأيد الثانية اخذت بيها الشال وشمرته على آسر وصحت ..

بثينة:: موو حلوو هذا طلعليي غييييره

من شمرته وگع يم رجل آسر ومن سمعني هيچ احچي صار يباوعلي بنظرات مبين عليه رايد يخبزني ، رجع شاله من الگاع واجه يتمشى الي ويحچي ومعصب ..

آسر:: بنت النعاال هسة وكتهاا

بثينة:: لاا تغلط على ابوويي بعد مات ، اا ا اقصد لا اا اغلط اخخخخخ يييييييمة

صار يستغفر وخله الشال على راسي واني عدلته وگمت من مكاني وبعدني بس ابچي وأون ، ساعدني البس الصاية ومن بعدها طلعنا من الغرفة وچانت الدنيا راح تصير فجر

ايدي بأيد آسر وگوه امشي ومرينا من الصالة حته نطلع وشفنا أمي گاعدة هناك وبيدها سبحة وداتسبح ومبين عليها منتظرة الأذان يأذن ، من شافتنا گامت من مكانها وگالت ..

ميسون:: يييمة بثييينة راح تولدييين؟!

بثينة:: ايييي ييييمة ، مييييتة وجع ميييييتة

ميسون:: آسر يمة انتظرني ، خل اروح وياكم هسة على السريع البس عبايتي واجي

آسر:: راح ننتظرچ بالسيارة ..

بثينة:: يبوووووو

آسر:: وجعوو ، شلون گمزتني بنت الأوادم

بثينة:: شبييييك ويااااييي شبييييييك تره حااامل ببنتك مووو ببنت الجيراااان ..