حينَ رأيتكِ "فصلية"

˹٥٣˼

˼حـــيـــنَ رأيـــتـــكِ˹

البـارت الثالث والخمسون
العنوان .. القهر المميت . 

/ قـبل القرائـة تـصويت فضـلاً لـدعم الـرواية \

• • •

عرفت مصدر الصوت جاي من غرفة عمي وبسرعة ركضت للغرفة وچان الباب مفتوح ، دخلت گبل وشفت البنات جايات على صوت تقية وتقية چانت واگعة يم چرباية ابوها ولازمة بأيده وتصيح وتحچي بصوت مخنوگ ..

تقية:: لك يااااابه اگعد ، لااا تكسر ظهريييي ياااابه

بثينة:: شش ش شصاير؟

حچت شيلان بكل توتر والدمعة بعينها وگالت الي بأنو عمي مدايگعد وماكو نبض بگلبه ، من الصدمة جمدت بمكاني وما گدرت أتصل بآسر وحته البنات چانن مثل حالي ..

تقية:: ياااابه فدووووة اگعد انييي موووو بنتك الوحيييدة ليييش تحرگ گلبييي اگعد ، اذا ضااايج من عندييي لأن عااملتك ببروووود اسفة والله اسفة بعد مااا اعيدهااا بس اگعد ابوووس ايدك ورجلك ياااابه

ركضت العمي وصرت اباوع اله والدموع تنزل من عيني ، چان متمدد على چربايته وصاير مثل الجثة تقربت اكثر من عنده وخليت ايدي على گلبه ومداحس بأي نبضة جاية من گلبه ..

تقية:: ربيييي اخذ روووحيييي ولااا تاااخذه ، ربيييي لا تختبرنييي بييي اختبرتنيييي واخذت منييي اثنين من اخوواانييي لااا تاااخذ ابوووويي ، ربييي اختبااارك صعب لااا تختبرنيييي

وتصرخ وصوتها بده ينصى بس مو بأرادتها لا من كثر ما صرخت حنجرتها تأذت ، بلگوه وحدة من عدنا تحركت وهي شيلان واخذت تلفونها وشكلها راح تتصل على إلياس ، طلعت بره الغرفة واني واگفة وجسمي كله يرجف والدموع غرگتها العيني

ضلت تقية تصرخ وتحچي كلام يگطع الگلب وچانت تكرر جملة ”ربي اختبارك صعب“ وفجأة صارت تمسح بدموعها والعيون صاير لونها احمر دم ، گامت من مكانها واخذت الغطه مال ابوها وغطته وچانت ايدها ترجف رجفة مو طبيعية ومن غطته حچت بصوت كلش تعبان ..

تقية:: اا ا اسفة بابا ، اا ا اسفة ازعجتك ، كمل نومتك ..

وصارت تطبطب عليه بهدوء ودارت وجها النا وصاحت ..

تقية:: كااافييي تبچن ، ابووووييي يرييييد ينااام لااا تزعجنه

ما گدرنا نوگف دموعنا وصاحت مرة لخ ..

تقية:: شبييييچن؟! ، مصدگااات ابووويي ماات! ، مخبلاااات انتن؟!! ، ابوووويي يحبنييي حيييل لأن انييي بنته الوحيييدة مستحيييل يعوووفنييي ويروووح مستحييييل

تقربت من يم تقية وحضنتها واحاول اهدئها بس دفعتني وصاحت بوجهي ..

تقية:: تره مااا ميييت ابووووييي حته تجييين تواااسينييي ويلااا مسحييي دموووعچ على شنووو تبچييين شكووو شصااااير؟!