حينَ رأيتكِ "فصلية"

˼٥٥ الأخير˹

˼حـــيـــنَ رأيـــتـــكِ˹

البـارت الخامس والخمسون "الأخير"
العنوان .. النهاية .

/ قـبل القرائـة تـصويت فضـلاً لـدعم الـرواية \

• • •

ميسون:: ابووچ داز سهييير على شغلة تجيبهاا من كنتووره ومن راايييحة لااگييية بالكنتوور سلااح

بثينة:: شنووو؟!

ميسون:: اشششش صوتچ ..

بثينة:: شنو سلاح! ، شلوون حصله؟!!

ميسون:: مادري ، بس اني خايفة حيل خايفة لا يجي لهنا ويسوي النا بلوة ، لچ بثينة بس لا جايب هل سلاح علمود يكتلني لأن سكنت عندكم

بثينة:: لا ماما شسالفة مو لهل درجة

ميسون:: لعد ليش لحد هسة ساكت وما حاچي شي عن طلعتي من البيت

بثينة:: مادري بس يجوز ما يريدچ ترجعين

ميسون:: مستحيل ابوچ يسكت ، لچ ابوچ يشتري الطلايب بفلوسه

بثينة:: بس ماما اني ببالي سؤال ، شلون گدر يطلع بعدها ما عبرت ١٥ سنة

ميسون:: ليش نسيتي ابوچ مسجون تحت افراج مشروط

حاولت قدر الأمكان اسوي نفسي هادئة بس بالحقيقة جسمي مكزبر من الخوف ..

ميسون:: اگلچ خاف هذا متحلف النا ، والله رايد يكتلنا ..

بثينة:: ماما اهدئي ، ابوي طالع من السجن فـمن الطبيعي يصير عنده سلاح بسبب سجناء تعرف عليهم بالسجن اكيد گايلين اله دبر الك سلاح علمود تدافع بي عن نفسك ومن هل سوالف

ميسون:: لچ شنو هل سالفة السخيفة الطلعتيها ، شنو يدافع عن نفسه ليش هو وزير وزراء؟

دانحچي وسمعنا صوت شيلان وأول ما سمعنا صوتها سكتنا وصار الوضع هادء ، اجت وگفت قريبة من يمنا وگالت ..

شيلان:: اجيت اساعدچن بالفطور ..

وبعدين سكتت وصارت تتناقل نظراتها بيني وبين امي ..

شيلان:: شكو؟ ، شو مبين عليچن متوترات

ميسون:: اا ا لا يمة ماكو شي ..

بثينة:: لا اكو شي

امي صارت تخزر بيه واني ما اهتميت وحچيت الشيلان عن ابوي بس الصدمني شيلان چانت ردة فعلها كلش عادية توقعت تنصدم ..

شيلان:: زين ليش خايفات؟ ، أول وتالي يطلع من السجن تره عادي ..

بثينة:: انتِ مفروض اكثر وحدة تخافين

شيلان:: ليش اخاف؟! ، هذا الجبان مستحيل يسوي شي بعد ما جرجرنا بالمحاكم وخلينا ينحبس اكيد ما يكرر فعلته

بثينة:: زين واذا گلت الچ مرة ابن عمتي لاگية عنده سلاح ، هم عادي؟

شيلان:: سلاح؟!