˼حـــيـــنَ رأيـــتـــكِ˹البـارت الرابع والعشرون
العنوان .. قرار مفاجئ ./ قـبل القرائـة تـصويت فضـلاً لـدعم الـرواية \
• • •
ما توقعت بيوم من الأيام اني وضرايري نتشارك بنفس الحزن ونواسي بعض
چانت أيام كئيبة كلش
هاي الأيام چنت كلش مرتعبة من عدها
ما چنت رايدة تجي بس اجتي للأسف
تمنيت تصير معجزة تنجي عادل من الموت بس ما بيدي شي هذا يومهچانت عمتي بالفاتحة منهارة أنهيار فضيع وكل شوية تگول خسرت اثنين من ولدي
كلش انقهرت عليها لأن خسرت اكثر اثنين قريبين من گلب كل أم
الأبن الچبير والأبن الصغير
الله يصبرهااما عن سوسن چانت تصارخ بكل قوتها تشيل روحها وترگعها بالگاع وحته ملابسها شگتها چانت منهارة أنهيار مشابه لأنهيار عمتي
مادري شحچي وشلون أوصف الفاتحة
بس چانت أيام كلش صعبة ومأسوية على كل أفراد هل عائلةواگفة على التخم مال صالة وگوه داوصل للصور وامسح بيهم ..
- انتبهي راح توگعين
درت وجهي وشفت تقية
هزيت براسي بمعنى اي ورجعت امسح بالصور ..تقية:: شو نزلي ، اني امسح بدالچ
تمشت بتجاهي واني نزلت من التخم واخذت الوصلة من ايدي وهي الصعدت بدالي وصارت تمسح بالصور
چانت صورتين كبار معلگات يم بعض
الأولى صورة عادل والثانية صورة مؤملاباوع لتقية چانت تمسح بالصور ومبين عليها مقهورة من عيونها ..
تقية:: بثينة هو من الطبيعي اخاف؟!
بثينة:: من شنو؟
تقية:: من الموت
استغربت من سؤالها وبعدين كملت كلامها وگالت ..
تقية:: ما خايفة الموت ياخذني بس خايفة ياخذ بعد من اهلي ، أول شي اخذ اخوي الصغير وما اكتفى بهل شي واخذ اخوي الچبير
بثينة:: هذا قضاء وقدر ربچ
تقية:: اتمنى لو يومي بعد يوم مؤمل وعادل ما رايدة احضر جنازة شخص ثالث من اهلي
بثينة:: تقية لا تحچين هيچ
جرت الها حسرة وسكتت
رغم هي كملت مسح الصور بس ضلت واگفة بمكانها وصافنة على الصور وعيونها تلمع بحزن وبخلال ثواني صارت دموع بطرف عينها نوبة نزلت على خدها وصرت اسمع صوت شهگاتهاما حبيت اضايقها درت وجهي وطلعت بره الصالة رايدة اخليها على راحتها تفرغ البگلبها ، رحت لغرفة عمتي وقررت أمر عليها حته اشوف اذا شربت دواها لو لا ومن دخلت لغرفتها شفتها صافنة على صورة عادل چانت معلگتها بغرفتها والأكل موجود على الطبلة بعدها ما ماكلته رغم اني صعدته الها من الظهر وهسة راح تصير المغرب
أنت تقرأ
حينَ رأيتكِ "فصلية"
Mystery / Thrillerماذا سوف يكون شعورك عندما تنشأ بين أحضان عائلة قاسية مبنية على الحقد والأنانية؟ أنا الفتاة إلتي خلقت بهذه العائلة ولكن لست أنا الوحيدة بل توجد فتاة أخرى استطيع وصفها بالغريبة بسبب فراقنا بعد ولادتنا في اليوم ذاته ، ولكن من هذه الفتاة؟ هي إحدى ضحاي...