Theme Song :
Tagal Loh Myar(Htoo Eain Thin)
1762022ရက်အနည်းငယ်လောက်ကြာတော့ မင်းအခန်းရှေ့ကို လူတစ်ယောက် ရောက်လာပြန်တယ်။
အနည်ထိုင်နေပြီဖြစ်တဲ့
ရေကန်ငယ်ကို မွှေနှောက်တော့မလို ၊
မာကျောစပြုနေတဲ့ ကျောက်စိုင်လေးကို တိုက်စားဦးမယ့် ဒီရေလှိုင်းလို
အဲ့ဒီလူရဲ့ခြေလှမ်းတွေက မင်းအခန်းတံခါးရှေ့မှာ ခေါက်တုန့်ခေါက်ပြန် ရွေ့လျားနေကြတယ်။ကျောပြင်ကို ကြည့်ရင်တောင် လူကို ခန့်မှန်းနိုင်တဲ့အထိ ကိုယ်ဟာ သူ့ကို မှတ်မိနေပါသေးတယ်။
သူ... လမ်းကြားအိုထဲမှာ မင်းရဲ့အသည်းနှလုံးကို ရက်ရက်စက်စက် ကစားသွားခဲ့တဲ့ကောင်လေး။" နောင်... နောင်လေး... "
သူဟာ မင်းနာမည်ကို ကြင်ကြင်နာနာခေါ်နေတယ်။
" ငါမင်းကို လွမ်းလို့ လာခဲ့တာပါ... ငါ မင်း မျက်နှာလေး မမြင်တာကြာပြီမို့ "
နှုတ်ဖျားက လွယ်လွယ်ကူကူထွက်နေတဲ့ လှလှပပစကားတွေက လေးနက်လေသလား မလေးနက်လေသလားဆိုတာကိုတော့ သူကိုယ်တိုင်ကသာ အသိဆုံးဖြစ်ပါလိမ့်မယ်။
" နောင်... မင်း ငါ့ကို စိတ်ဆိုးနေတာလား "
" ဘာဖြစ်လာတာလဲ "
အဆက်မပြတ် လာလာဆွနေတဲ့ ဒီရေလှိုင်းကြောင့် ကျောက်စိုင်လေးဟာ တံခါးကိုဖွင့်ဟပေးခဲ့ရပြီ။
" မင်းကောင်မလေးနဲ့ ပြတ်လာပြန်ပြီလား "
ဝင်လာလိုက် ထွက်သွားလိုက်လုပ်နေတဲ့ ခရီးသွားကို စိတ်နာနေတဲ့ ဇရပ်ကလေးလို မင်းကဆိုတော့ သူဟာ အနည်းငယ်ပျက်ယွင်းသွားတဲ့ မျက်နှာနဲ့
" မဟုတ်ပါဘူးကွာ "
" ဒါဆို ဘာကိစ္စရှိလို့လဲ "
" ငါတို့က ကိစ္စရှိမှ စကားပြောရမယ့် ဆက်ဆံရေးတွေမလို့လားနောင်... မင်းကိုငါ နားမလည်နိုင်တော့ဘူး... မင်းက ငါ့အပေါ် နွေးထွေးလိုက် အေးစက်သွားလိုက်နဲ့... ပြီးရင် အကြောင်းမကြားဘာမကြားနဲ့ ပျောက်ပျောက်သွားတယ် "
တစ်ဖက်စောင်းနင်းနိုင်လှတဲ့စကားတွေကြောင့် ကိုယ်ဟာ မဆီမဆိုင် မျက်မှောင်ကို ကြုတ်မိတယ်။
မင်းကတော့ တည်ငြိမ်တဲ့လေသံမျိုးနဲ့
YOU ARE READING
ကံ့ကော်ပွင့်ချိန်
RomanceTitle : Kant Kaw Pwint Chain Genre : Own Creation, BL Tags : Angst , Romance Author : Yaung Che Nway Starting Date : 26,April,2022 End Date : The Cover is from Pinterest. Photo Credit goes to the original uploader.