21122022:
I'm in the mood for love (Bryan Ferry)" မာမီ ပြောချင်တာ သားဒယ်ဒီဘက်ကို နည်းနည်းစဉ်းစားကြည့်ပေးဖို့ပါ "
".... "
" ဒီလို အရွဲ့တိုက်နေနေလို့ ဘာမှ အကျိုးထူးမှာမဟုတ်ဘူး နောင်နောင်! "
" သား စိတ်ဆုံးဖြတ်ပြီးပြီလို့ ပြောထားပြီးသားပဲ! "
ကျယ်ခနဲ ကျယ်ခနဲ ထွက်လာတဲ့ တစ်ဖက်ခန်းက အသံတွေကြောင့် ကိုယ့် စိတ်တွေ ဗလောင်ဆူလာရတယ်။
ကြည့်ရတာ မင်းနဲ့မင်းအမေ စကားအချေအတင်ဖြစ်နေကြတဲ့ပုံ ။
စိုးရိမ်တကြီး ဝရန်တာဘက် ပြေးထွက်လိုက်ပေမယ့် ကံမကောင်းစွာနဲ့ တံခါးကစိထားတာကြောင့် မင်းအမေရဲ့ ကျောပြင်ကိုသာ မြင်ရတယ် ။
" အေး မင်းဘက်က အဲ့လောက် ပြတ်သားနေတယ်ဆိုလည်းရတယ်... ငါ မင်းအဖေကို မင်းပြောတဲ့ အတိုင်း ပြောလိုက်မယ်... ပြီးမှ ကိုယ့်ဖာသာ ရှင်းကြ! "
" ပြောလိုက် "
တည်တင်းလှတဲ့ မင်းအသံက စစ်ထွက်ဖို့ အသင့်ဖြစ်နေပြီဖြစ်တဲ့ စစ်သူကြီးတစ်ယောက်အတိုင်း ။
" နောင် မင်းက တစ်ကိုယ်ကောင်းသမားပဲ "
မင်းအမေက မင်းကို စကားလုံးတွေနဲ့ ထိုးနှက်တယ် ။
ပါးကို ခပ်ပြင်းပြင်းအရိုက်ခံလိုက်ရသလိုဖြစ်သွားတဲ့ မင်းက ချက်ချင်းပဲ ချိန်ကိုက်ဗုံးတစ်လုံးပေါက်ကွဲထွက်သွားသလို ပုံမျိုးနဲ့
" အဲ့တာ မေ့ယောက်ျားနဲ့တူတာလေ ! မေ့ယောက်ျားလည်း အတ္တကြီးပြီး သူဖြစ်ချင်တာပဲ သူသိတဲ့သူပဲ... ဒါကြောင့်လည်း နောင့်ကို ဒီလိုတွေ အတင်းအကျပ်တွေလုပ်နေတာပေါ့ ! "
" နင် နင်... ! ပါးစပ်ကို ပိတ်ထား နောင်နောင်... ကံကြီးထိုက်မယ် ! နင့်အဖေက နင့်ကို တစ်မိသားစုလုံးမှာ အချစ်ဆုံးဟဲ့ သိရဲ့လား... အခု ကျောင်းတက်ခိုင်းတာလဲ နင့်အတွက် တက်ခိုင်းနေတာ.! နင့်ဖေက ဟိုးအရှည်ကြီးကို တွေးမြင်တဲ့သူ "
" တော်စမ်းပါဗျာ ! ဒီ တစ်မိသားစုလုံးမှာ ဘယ်သူက ဘယ်လိုစိတ်မျိုးရှိလဲ သား အကုန်သိတယ်! "
![](https://img.wattpad.com/cover/306476844-288-k888443.jpg)
YOU ARE READING
ကံ့ကော်ပွင့်ချိန်
RomanceTitle : Kant Kaw Pwint Chain Genre : Own Creation, BL Tags : Angst , Romance Author : Yaung Che Nway Starting Date : 26,April,2022 End Date : The Cover is from Pinterest. Photo Credit goes to the original uploader.