27122022 :
မိုးလလယ် ရောက်ပြီမို့ ရာသီဥတုက နေ့တိုင်းလိုလို အုံ့ နေတယ် ။
ရံဖန်ရံခါ နေ့လယ်ပိုင်းတွေမှာဆို မိုးဖွဲဖွဲကျတတ်ပြီး ညရောက်ရင် မိုးတွေ သည်းကြီးမဲကြီး ရွာရွာချတတ်တယ် ။
နေမွန်းတည့်ချိန်ကြီး ပတ်ဝန်းကျင်တစ်ခုလုံး တိတ်ဆိတ် မှောင်မိုက်နေပုံထောက်ရင် ဒီနေ့လည်း မိုးရွာဦးမယ် ထင်ပါရဲ့။
" ရာသီဥတုကလည်း လူတွေလို ဖောက်ပြန်နေပြီ "
သွပ်ခေါင်မိုးပေါ် တဖျောက်ဖျောက်ကျလာတဲ့ မိုးရေစက်သံတစ်စွန်းတစ်စအဆုံး မင်းဆီက ထွက်လာတဲ့ စကားသံ ။
ဝရံတာမှာ လှမ်းထားတဲ့ ရှပ်အင်္ကျီအဖြူတွေကို ရုတ်ရင်း မိုးဖွဲဖွဲကျနေတဲ့ ကောင်းကင်ကိုမော့ကြည့်ပြီး ဆိုလာပုံက မျက်နှာလေးကို မဲ့လို့ ။
" မိုးရာသီမှာ မိုးရွာတာ ပုံမှန်ပါပဲ နောင်ရဲ့ "
" ခင်ဗျား မသိပါဘူး ကိုသက်ငြိမ်... ကျွန်တော်တို့ မန္တလေးမှာ တော်ရုံ မိုးရွာတာမဟုတ်ဘူး... ဒီနှစ်မှ ဒီလို မိုးများတာ... ညညဆို မိုးသီးတွေပါကြွေတယ်... ဗိုင်းရပ်စ် ကပ်ဘေးကြောင့် အရာအားလုံး ဖောက်ပြန်ပြီး ကမောက်ကမဖြစ်ကုန်ပြီ "
မင်းကပြောရင်း စိတ်ပျက်သလို အမူအရာလေးနဲ့ အဝတ်တွေကို ဆတ်ခနဲ ဆတ်ခနဲ ရုတ်နေတယ် ။
မင်း ပြောမှ ကိုယ့်မှာ သတိထားမိတယ် ။
နွေဦးကာလ ကိုယ်ရောက်စတည်းက မန္တလေးမှာ တလျှိုလျှိုမိုးရွာနေတာ အခုထိပဲ ။
မန္တလေးသဘာဝက မိုးရွာရင် ဆိုင်တွေ အလုပ်တွေ အကုန်သိမ်းတယ် ။
တော်ရုံ အပြင်ကို လုံးဝ မထွက်တတ်ကြဘူး ။
" တစ်နေ့လုပ်တစ်နေ့စားသမားတွေဆို ဘယ့်နှယ်များ လုပ်ပါ့မလဲ ဒီမိုးနဲ့... "
မင်းက မျက်နှာလေးရွဲ့ရင်း ထပ်ပြီး မကျေမနပ်ဆိုလာတယ် ။
" နောင်က မိုးရွာတာ မကြိုက်လို့လား "
" ကျွန်တော် မိုးရွာတာ ကြိုက်တယ်လို့ ခင်ဗျားကို ပြောဖူးသားပဲ "
![](https://img.wattpad.com/cover/306476844-288-k888443.jpg)
YOU ARE READING
ကံ့ကော်ပွင့်ချိန်
RomanceTitle : Kant Kaw Pwint Chain Genre : Own Creation, BL Tags : Angst , Romance Author : Yaung Che Nway Starting Date : 26,April,2022 End Date : The Cover is from Pinterest. Photo Credit goes to the original uploader.