Theme Song :Love in the Dark (Adele)
972022
ပါတီပွဲထဲမှာ လူငယ်လေးတွေရဲ့ ပျိုမျစ်မှုအငွေ့အသက်တွေ ပြည့်နှက်နေတယ်။
မင်းသဘောကျတဲ့ကောင်လေးရဲ့ဘေးမှာ မင်းမျက်နှာလေးဟာ ရွှင်လန်းလို့ ။
သူ့ ကြည့်ရတာ မင်းကို အတော် ဂရုစိုက်ပေးပုံပါ။
ဒါပေမယ့် သူ့ဂရုစိုက်မှုတွေက မင်းတစ်ယောက်တည်းအတွက် မဟုတ်ဘူး ။
သူဟာ သူ့ကောင်မလေးကိုလည်း ဂရုစိုက်တယ်။
မင်းရဲ့ လူက လူကြိုက်များတဲ့ ကောင်လေးတစ်ယောက်ထင်တယ်။
ပါတီထဲမှာတင် သူလွှမ်းမိုးခံထားနိုင်တဲ့ လူတွေ မနည်းဘူး။
ယောက်ျားလေး မိန်းကလေး ဖြစ်တည်မှုမျိုးစုံ...
အဲ့ဒီလူတွေကိုလည်း သူဟာ ပစ်ပယ်မထားလေဘူး။
သူ့မျက်ဝန်းတွေက သူတို့တွေအပေါ်မှာပါ တစ်ချက်တစ်ချက်ဝဲနေသေးတယ်။
နောင်... ကိုယ်လေ မင်းကို သိပ်သနားတယ်။
" နောင် မိုးအေးတယ် ဒါခြုံထား "
စိုးရိမ်တဲ့ အမူအရာနဲ့အတူ ပိန်ပါးပါးမင်းခန္ဓာကိုယ်လေးပေါ် သူဝတ်ထားတဲ့ အညိုရောင်လည်သာဂျာကင်ကို လွှားပေးရင်း သူဟာမင်းစိတ်တွေကို ညှို့ယူပြန်တယ် ။
အင်း... မင်း ကျရှုံးမယ်ဆိုလည်း ကျရှုံးချင်စရာပါ။
" ပါတီကိုတောင် ရောက်လာမှတော့ truth or drink ဆော့မှဖြစ်မှာပေါ့! "
ပွဲစတော့ ခန္ဓာတောင့်တောင့်ကောင်လေးတစ်ယောက်က လက်ထဲမှာရှိတဲ့ ဘီယာခွက်ကို မြှောက်ရင်း ခပ်မြူးမြူးဆိုလာတယ် ။
မင်းတို့နည်းတူ တစ်ဖက်က မိန်းကလေးဝိုင်းမှာလည်း ဝိုင်နီခွက်တွေ မြှောက်နေကြပြီ ။
ဘယ်ဝိုင်းကိုမှ ဝင်မပေါင်းတဲ့ကိုယ်ကလွဲပြီး အားလုံးက သူ့အရှိန်နဲ့သူ ။
" ဟာ... နောင်ကတော့ ထီပေါက်ပြီဟေ့ "
ခပ်ဝိုင်းဝိုင်းကတ်ပြားပေါ်က နာရီလက်တံလိုမြှားလေး ပွဲစမှာတင် မင်းရှိရာနေရာကို တိတိကျကျညွှန်ပြလာတော့ လက်တံလှည့်တဲ့ ကောင်လေးက ရယ်ရင်းမောရင်း အော်ပြောလာတယ် ။
မင်းကတော့ မျက်နှာလေးမဲ့လို့ ။
" ok နောင်...truth or drink"
" drink"
တွန့်ဆုတ်မှုမရှိ ထွက်လာတဲ့ အသံလေး။
မျက်လုံးထဲ ချစ်စရာအတော်ကောင်းနေတာကြောင့် ကိုယ် အသာပြုံးလိုက်မိတယ် ။
လျှို့ဝှက်ချက်တွေ မင်းရင်ထဲမှာ ဘယ်လောက်တောင် ရှိသလဲ။
YOU ARE READING
ကံ့ကော်ပွင့်ချိန်
RomanceTitle : Kant Kaw Pwint Chain Genre : Own Creation, BL Tags : Angst , Romance Author : Yaung Che Nway Starting Date : 26,April,2022 End Date : The Cover is from Pinterest. Photo Credit goes to the original uploader.
