اليمامه

اليمامه 3

ستبدأ حكايات لا نهاية لها .....
من هنا يبدأ عشق الجنون....
ستبدأ قصة عشق اليمامه..
قصص من حب الريف الصادق ......
أحياناً دروس وصفعات الحياة لا ترحم او ربما تصقلك وتجعلك أنسان صلب بما فيه الكفايه تجعلك ذلك الشخص الغريب العقل رغم صغر سنك
قبل ولادتي كان لدي أروع والد حسب ما سمعت طبعاً فأنا لم أراهُ بتاتاً لقد توفي ... يا له من درس على طفل صغير!
بعد وفاة والدي عمي الجشع يريد أملاكي أنه درس جديد لكشف الوجوه التي ترتدي أقنعة الكرم والشهامه والخوف على مصلحتي
بعدها....
يوم ولادتي كأن أول درس قاسٍ أمي رحلت دون رجعة
لم أبتسم أبداً .....لكن كنت أبتسم بمجرد رؤية اليمامه
أيتها اليمامه لا أريدك درساً من دروس الحياة !

سمير اشكد دينك
أحسان هواي
سمير شني هو الي هواي انطيني مبلغ .
حسان ٩٠ الف واكثر بعد وياهن
سمير تاخذ كاع وبيت تعال لأهله ينطوهن
حسان جا انت مو كلت ما الك فلوس اخذهن من الموتى
سمير رجع الاملاك وانه ادبر الفلوس
حسان لا خويه
سمير ادبر فلوسك واردهن الك
ام محمد خايب حسان اشلون
حسان صديقي أمن ماله وعياله ومات انه اخون الأمانه
لازم يجي يوم يجزعون اخوانه ومحد يجي يسأل
ام محمد ما ادري شني براسك
حسان الولد صغير ولازم احافظ على ملك ابو الى أن يشد ظهره ويصير قوي
.............
أرغد بدأت المعاناة من ولادتي للدنيا ربيت عند خالتي ام يمامه كبرت وكبر حبي لليمامه
يمامه ولك باجر يفتحون المدرسه كالو بنوهه النه جديده والقديمه يصلحوهه
أرغد جا المدرسه البعيده نروحلهه رجلينه تكسرت
يمامه نروح نمشي من الصبح سويه حتى لا اضوج
أرغد ما دام وياج ما اضوج هههههه
يمامه يمة أمي صاحتنه امشي ولك
ام يمامه وين ترحون انه مو اكول ما ترحون بعيد وانت أرغد عمك حسان يريدك
أرغد يمه أنه تعبان ويشغلني بالكاع
ام يمامه امشي ولك يريدك الزلمه وانتي دخلي ساعديني .... باجر لازم اروح للمدرسه جا العلام حلو وتعرفون تقرون وتعلموني وياكم
يمامه جا تقرين ويانه القراءة
ام يمامه اي خايبه واتعلم أكتب هههه
يمامه سهله نشتري الج دفاتر وأقلام
ام يمامه ههههه جا انه هم طالبه
لحظة أسترجاع ذكريات ..... ام أرغد تتمنى تعلم وليدهه وتحلم وليدهه أرغد يعلمهه الله يرحمه بعد اختج كون أنه كد أمانتج وأكدر اكبر أرغد ...
يمامه يمه صفتني
ام يمامه لا يمه فكري سرح ما عليج كملي شغل بالبيت انه اكمل سمجات العشا والخبز
يمامه حاضر يمه
......
أرغد عمي حسان من يشوفني يحسسني هو بحنان أبوي ما اروح اله مرات لأن أحس الدنيا تضيق بعيني أحس نفسي أني سبب موت أمي وأبويه لأن اني وجهي مو خير عليهم مثل ما اسمع من نسوان القريه وأمي ام يمامه تتعارك وياهن وما تقبل ...
حسان جا انت جايب الطريق صافن
(سبحان الله يشبه ابو بالشكل والطبع حتى من يفكر ...)

أرغد ها عمي اعذرني حسبه إبالي ..... ها عمي حسان صفنت
حسان بعد عمك جا انت تروح للمدرسه باجر بعيده عليكم انه اجيكم بعربانة الحصان اوصلكم هناك
أرغد لا عمي انتعبك انت ما بيك حيل
حسان ههههه بعدني شباب
أرغد عمي عندي سؤال
حسان اي تفصل بعد أبوك
أرغد أبوي صاحبك وأخوك شني بينه وبين عمامي؟
حسان ما بينهم بس الخير ليش تسأل !
أرغد ما شفتهم سألو عن أبنهم جا وين الخير الي بينهم لو لأن أبوي ما بقت عليه أملاك
حسان أنه عمك وابوك واخوك وبيتي كاعد بي انت معزز مكرم
أرغد ما تقصر عمي بس انه انهضمت أهلي ما يسألون عني
حسان الله ما يترك حمل مطروح
أرغد ونعم بالله
حسان ترجع للبيت وباجر مدرستك أريدك سبع وليدي لا شيل هم
أرغد حاضر عمي
حسان أبو أرغد أمانته ثكليه ومال اليتيم مسؤوليه يا رب تعيني على حمل هاي المسؤوليه
أرغد بدت مدارسنه وعمي حسان وخالتي ام يمامه كانو أم واب لكن .... موقف عمي سمير وياي من رجعت من المدرسه...