اليمامه

اليمامه ١١

بدايةً علينا التمييز بين الخلاف والحقد  الخلاف  التنازع التخاصم في شأن  او شي ما يمكن حل الخلاف بأبسط الطرق .... لكن  الحقد ناراً تتوقد وتكبر كل يوم داخل الأنسان  حتى لو يفرغ حقدهُ بالقتل  او تدمير أنسان  .... حتى بصل بصاحبهِ الى الهاويه

ام يمامه يلا بعد امج

يمامه جا انتِ توصليني وين ابوي

ام يمامه  راح لفطيم بنت زامل

يمامه جا مو يكول اطلكهه شني

ام يمامه يمه البت عدهه جهال تتطلك المن تروح ابوهه وامهه ميتين واخوهه ما يستقبلهه

يمامه تروح بالشوارع هي وجهالهه

ام يمامه ولج لا تعيديهه  ابوج تقبلين يشمرنه و اولادهه اخوانج غصب عنج شني انتي تكبرين ويكبر الكره وياج

يمامه هي خذت ابوي

ام يمامه اششش ولا كلمه اوصلج المدرسه  انتبهي لنفسج ابوج اختارهه ومجبور يصرف علينا وعليهه  ويتحمل مصاريف بيتين لا تدخلين وانتبهي لنفسج خايبه صحتج بالدنيا لا اضيعينهه بالحقد والكره والحسد

يمامه اي يمه ....
_______
يمامه أستاذ محمد  اريدن اجازه  اروحن ويه أمي للبستان

استاذ محمد (كعد على ركبته  مقابل اليمامه ) شعندج بالبستان  اليوم أمتحان

يمامه اتونس والعب هناك

أستاذ محمد يمامه انتي ما تعرفين تكذبين سمعي روحتج بوحدج خطأ وهناك هواي فلح والله يعلم بالنفوس  غير خطر الشط   لازم تبقين وين ما امج وصلتج

يمامه شفت أمي استاذ

استاذ محمد اي حجيت وياهه كالت دير بالك على بنيتي  امج تحبج هواي

يمامه  أعرف أمي روحي من الدنيا

أستاذ محمد اشلونه أرغد

يمامه قبل كم يوم كملو نقله عمي حسان يكول زين وهو يوديلي مكتوب وانه اكتبله  يكلي  جابلي من فلوس شغله  قميص حياكه

استاذ محمد ههههه بالعافيه يمامه تستاهلين انتي  يلا روحي للصف
_________
ام محمد ها حسان اشوفنك مستعجل

حسان موسم حصاد عينك على مالك دوه 

ام محمد يساعدك ويعينك الله يشد حيلك

حسان الف رحمه على روحيتهه امج  من اجيت اشوفنج انه اسمعتهه تناديج يوجهه الخير  ههههه انه كلت لأمي  اخذيهه بلا ما اشوفنهه وصدك وجهج خير 

ام محمد ههههه جا خجلتني

حسان بعد روحي ههههه انه اروحن  ادعيلي

ام محمد يرزقك ويفتحهه بوجهك

_________
حسان  السلام عليكم

الفلاحين عليكم السلام