اليمامه

اليمامه ٥

ما زلت حياً هناك في ذلك المكان ....

ما زالت أراك حولي .... لكن أين ....

الساعة ب١٠

يمامه كاعد وحدك ؟

أرغد شني واحد ما يكعد وحده

يمامه يكعد وحده جا انه شكلت .

أرغد ما كلتي شي انه منزعج روحي نامي

يمامه اعذرني انه حجيت وياك وخشنت خاطرك

أرغد لا عادي أنه الدنيا خشنت خاطري

يمامه جا بعدك زعلان ..

أرغد اي زعلان يمامه انتي ابوج موجود صح مزوج على امج وتارك امج تربيج بس يبقى ابوج ومحد يكدر يفك حلكه ويحكمج وهو بالحياة ونفسه بالبيت

يمامه جا شني فائدة ابوي وهو يشوفني باليوم ساعة لو ساعتين جا ابوي لو غركان احسن شني أخذ على أمي وحده حبهه وأمي ما قصرت ويا بشي اتمنى ابوي مي.....

أرغد اشششش ولج لا تكملين تتمنين لأبوج الموت شني من بشر انتي ابوج حتى لو مو خوش أدمي تكولين أبوي شايفه شني معنى يمسح على راسج الغريب ويكول خطيه يتيمه الأبو خيمه

يمامه خيمه ما بيهه خير اشوفن الجهال وياهم ابوهم يلعب ويطلع للكاع الا ابوي شلع قلب أمي ومن وحده لوحده اشوفن امي تحجي ويا وتكله شني ناقصني وتالي يكلهه انه احب فطيم بت زامل الوصخ واريدنهه ازوجهه يا خيمه ولك انت عليمن تحجي ابوك مات وما أذى أمك ولا شاف عليهه مره وامك من كد ما تحبه وعشك ابوك بقلبهه ما تحملت فراكه جا هذا الأبو الي ينذكر لا عبالك انه صغيره وما افتهم انه أعرف كلشي

أرغد بقيت ساكت اسمع الهه وهي تبجي وأعيونهه تدمع من ذكر ابوهه صح ابوهه غلط بس لازم ما اصير وياهه على الغلط وتكره ابوهه الكره مو زين .....

يمامه ها بقيت ساكت ما ترد لأن كلامي حق

أرغد لا سكتت لأن انتي غبيه وتكدرين تشترين أبوج لصفج البنيه حصة أبوهه وحبيبة قلبه لا عبالج ابوج ازوج صحيح وانتي تكرهي ابوج يحبج ومن يجي عليج انتي وامج يشوفكم وينطكم مسواك لا انتي ولا امج تستقبلنه بضحكه لو سالفه وتشترن خاطره ما تنطنه وجهه حلو ويروح لفطيم بت زامل الوصخ ههههه

يمامه ما فهمت جا انت تريد اركصله وشني تضحك

أرغد جا انتي مو تكولين بومه ما تضحك ضحكت المهم يا يمامه لا تكرهين ابوج بسبب الي صار ويه امج كل رجال ومرته يتعاركون ويصالحون وانتي ما الج غرض بيهم جربي باجر من يجي ابوج يشوفج كليله بويه اشلونك كواك الله اضحكي واشاقي اذا بقى يمج وما راح لمرته شتردين انطيج

يمامه جا خوش كون يبقى وانروح نكعد يم الشط

أرغد متفقين روحي نامي باجر مدرسه