اليمامه

اليمامه ١٢

يفضح العاشق من لمعة العيون
وقت الغروب أكثر لحظات تقتلك وأنت حي تحضر الذكريات أمامك كأنها ترى العشق الذي قتل داخلي ... والحنين اليك أنت حزني ...ضحكاتي .. سهري .... قلقي الدائم كل مشاعري منك تأتي ...
حسان طلعت لبغداد ب ٣ بالليل اخذت يمامه وياي حتى أبعد عني الشك ونفس الوقت يشوفهه أرغد جا انه وعدته وصلت لبغداد ب٩ الصبح

يمامه الله عميي حسان بغداد حلوة

حسان اي مثلج حليوه بعد ابوج

يمامه عمي دوم اقنع ابوي واخذني بروح ابوك

حسان خاب وروح ابوي كلما اروحن اخذج هههههه بعد روحي الضحكه جا فرحتج بالدنيا عندي وأرغد يطير من الفرح

يمامه عمي وصلنه اهنا أرغد يدرس

حسان اي هنا تعالي بويه هذا البيت

عصام اهلا اهلا حسان منو يمامه

أرغد هاااا يمامه جابهه عمي .... يمامه جبتهه عمي تبقى هنا تدرس

يمامه لا ابوي ما يقبل زيارة اجيناكم

ارغد جا ابوج شماله ما يقبل

حسان ها نسيت عمك ههههههه

عصام بعدين يجي دورك بالأشواق حسان أنتظر غير يمامه كدامه

محمد حسان العاشك أرغد

أرغد شني ما صدكتو جا واذا سلمت عمي اسف بعد روحي اشلونك

حسان ههههه بعد وكت يلا انه زين فدوة لريحتك بعد روحي انت واخوك واحد عينه على الثاني بويه محمد

محمد حسان بويه لا الأخوان

عصام سباع حتى بالدراسه شطار مرت سنتين من نقلت أرغد يمي احسن ومستقبله افضل

حسان الحمدلله اخر زيارة الك هواي قلقت عليه

عصام تعود واخذ على جو الدراسه هنا بس تعلقه بالبنيه يزيد يوم عن يوم

حسان جا شسويله الولد متعلم عليهه وتربو سويه انه بعدته عنهه من كلام الناس وكلت بلكت هالحب يروح عن قلبه لكن أرغد مثل الأرض ما يخون

عصام اهناك الوضع اشلونه

حسان اذا كشفوني ابغداد اكيد يعرف كشفت لعبتهم وكلش كلش يحاولون يقتلوني بس انه مأمن حق الولد والمره والوصيه بيد المحامي

عصام ليش دائما عم أرغد خطط الغرق براسه !

حسان احنه بحكم احنه فلح وقريه وتعرف الشباب والكبار تسبح بالشط هواي اصير حوادث غرق لهذا هو يفكر ويبعد الشك عنه والناس ما تكشف عمار ولا اخو اثنينهم مجرمين والواسطات تشتغل بكلشي يسوونه