اليمامه

اليمامه ٦

لا تكن سجين بين عقارب الساعه سابق الوقت لا تدع الوقت يقتلك .....

بيت والدي هنا حيث عاش من تمنيت أن أراهم جانبي وسندي ... البيت لم يدخلهُ احد منذ سنوات الغرف الملابس .... خطواتي مثقله نحوك هنا سأعيش على ذكريات أمي وابي

حسان ابني أرغد بيت ابوك صح دين لكن ما غيرته و وصيت الي يشتغلون ينضفو ويدارون البستان وكلشي يبقى مثل ما هو ابوك عزيز عليه وانت اكثر معزتك وهذا وليدي محمد اخوك

محمد حسان الأبن الوحيد ل حسان اكبر من أرغد عمره ١٢ سنه مرتين بالأسبوع يتواجد بالقريه دراسته ابغداد عند خاله سكنه لفقر التعليم سابقاً بالقرى

محمد حسان اهلا وسهلا بيك أرغد محمد طالب صف سادس ابتدائي اي شي تحتاج كتب اجيبلك وياي من اجي لأبوي من بغداد

أرغد هلا بيك متقصر انت وعمي حسان تعبتو وياي كلكم تعبتكم

حسان لا بويه انت ومحمد اخوان اثنينكم اولادي

محمد اكيد يطول بعمرك بويه

أرغد اشكرك عمي

حسان جا انه عمك لو ابوك

أرغد اثنينهن انت انتو اهلي

حسان يا بعد روحي بويه أريدكم واحد سند للثاني

أرغد أن شاء الله عمي اردلك جميلك عليه مضاعف

حسان البيت كبير لا تبقى وحدك تعال اكعد يمي من تنام رد للبيت نام

محمد اي ونسولف انه وانت جا غير لكيتلي اخو

أرغد أن شاء الله اشكركم ....(نظرات العطف والخطيه كلش اكره هالشعور .... راحو بقيت اتأمل البيت غرفة نوم أمي وابويه ملابسهم عطورهم كلشي باقي شفت عطور أمي وابويه كدامي شلت العطر شميته .... دموعي نزلت مجرد ما عطرهم دخل لروحي وكلبي حسيت هالذكريات والمعاناة تنزرع داخلي ..... مسحت دموعي بسرعه طلعت

حسان ها بويه ما اجيت تاكل وانه ما كدرت اتغدى الأكل ما طاب الي جيتك ناكل سوة

أرغد اشكرك عمي ذكرتك العافيه يطول عمرك

حسان شمالهن اعيونك وارمات من البجي

أرغد كلشي ما بيهن عمي هههه

حسان جا شني تضحك كذب خايب انه قريت أعيونك

أرغد شقريت بيهن ....

حسان حزن كبير .....وأنت كاتمه بقلبك خايب يكتلك الكتمان

أرغد الله كريم عمي الله كريم اتغدى جا المن تعنيت نحجي بالهموم

حسان اي بويه ناكل ( اووووف أرغد اوف ولك همك يكسر الظهر ....)

أرغد عمي عندي سؤال .

حسان تفضل بعد ابوك

أرغد ما عندك صوره لأبوي وأمي ما اعرف شكلهم؟