اليمامه

اليمامه ١٠

اما بعد  ....
تخلص من مخاوفك  وتأكد بخطواتك القادمه هناك خير لا تعلمهُ
الساعة السادسه صباحاً..
صوت الهدوء اجدهُ فقط في هذا الوقت أجد راحتي بتنفس هواء اول الصباح ...... لكن بعدها تبدأ المدينة بالضجيج 

عصام صباح الخير كاعد وحدك ما نمت

أرغد صباح الخير لا ما نمت

عصام ليش ما حبيت مكانك  الجديد حاولت يكون مكان مريح الك

أرغد كلش حلو  مكاني الجديد بس اني متعود على اجواء الريف هناك متنفسي  ....  اهلي ناسي اليمامه

عصام اليمامه؟

أرغد اي يمامتي ربيت وياهه من الطفوله اتمنى ابوهه يقبل وينقلهه هنا  اشلونهه هسه ما شايفهه صار ٤ أيام

عصام انت تروحلهه يوميه

أرغد اي اخذهه للمدرسه ويه ابوهه وادير بالي عليهه هناك 

عصام نفس المدرسه  وانت شنو شعورك تجاه البنيه حب لو تحتاج للحب لأن فقدته من فقدت امك وابوك .

أرغد شعوري تجاه اليمامه جنون الحب ما اقبل احد يقربهه احس بنار بقلبي .... اربعة أيام صارت اربع سنوات ب لياليهه

عصام ههههههه حب الطفولة ينزرع هنا احتمال يحيك واحتمال يقتلك ويجعل منه جثه تمشي على الأرض خلي الك مساحة  خاصة من الذكريات  (أشر على قلبي ) لا تروح زايد بي ....الحب يغدر مثل ما ضحيت بحبي وتركت اغلى انسانه دخلت حياتي حتى تحقق حلمهه يكون عندهه طفل....

أرغد الي يحب ما يترك الأنسان الي يحبه لازم تحاول تحقق حلمكم  سوة ..... يمامه ما تغدر ولا اني بيوم افكر انسى حبهه

عصام ربي يجمعكم فكر بمستقبل تبني حتى اليمامه تكون من نصيبك (كلامه اكبر من عمره خلاني افكر اشلون كرهت نازك بيه وتركتهه حتى تحقق حلمهه اجيب اطفال)

أرغد اكيد راح احاول كل جهدي و أوصل  عندي سؤال
حبيبتك ازوجت ؟

عصام انت بطل أرغد ... حبيبتي لا ما ازوجت بقت لحد الأن

أرغد تتأمل منك ترجع .... تفكر  قاطع الحديث محمد

محمد  حسان ها خالو كاعدين اسولفون اليوم جمعه ماكو دوام
وانتو كاعدين من الصبح

عصام انت اختصاصك نوم للظهاري  هههههه

أرغد عادي بعد اخوك جا انت استراحتك وتعبان نام (بسرعه غير الموضوع وما كمل اصلاً  الموضوع يسبب اله حزن لكن هو أبتسم .....)

محمد  حسان اي العاشك هههههه

أرغد اكعد لا تبدي تبسمر ما بيه حيلك

عصام بدلو واخذكم للمتنبي يم صديقي  أمجد خطاط ورسام

محمد  حسان تريد اشغل ارغد اشلون اني اشتغل هناك