اليمامه

اليمامه ٩

غادرتُ مكاني  مسرعاً أهرب من القدر ...أسأل ما الخير في هذا كلهُ؟
الساعة الثالثة مساءاً الوقت مر بسرعه ....
السيارة كأنها تسابق الزمن  ...صوت ضجيج المدينه والبنايات العاليه أجواء جديده جداً  مزعجه ضوضاء تملأ المكان صوت الأبتسامات الكاذبه والحياة المزيفه .....
كان الجميع ينظر لي بنظرات الأستغراب كأنهم عرفو أنني غريباً بينهم .... ليستُ بغرابة ما شاهدت في حياتي ....
كل شيء تغير في ليلةٍ وضحاها؟ الجميع يطاردني أفكار تتصارع داخل عقلي   القلق  يقتلني

أرغد عمي شنو مصيري بغداد ديرة غريبه وانه رجال فلاح 

حسان ابني هم فلاح وتعود انت تتعود 

أرغد شني صاير وطلعتنه الفجر و وجهك ما يتفسر..

حسان ما صاير شي اريدك اصير وتكبر

أرغد جا أصيرن بنص اهلي  اروح للغربه

حسان كلهه أسافر وتتعلم انت شني أعتراضك

أرغد ما عندي أعتراض

حسان جا اسكت وأمشينا العالم تنتظر 

أرغد جا احنه وين  رايحين عمي

حسان انروح للكاظميه  وهناك بيت  خال محمد وليدي انه اوصي عليك واصير حالك من حال محمد

أرغد خاف زحمه عمي البشر ثكيل

حسان خال محمد خوش زلمه معدل ...

أرغد ان شاء الله خير ...

حسان خال أبني عصام استاذ جامعي أداب انكليزي  كان ساكن القريه لكن الولد طموح ويريد يوصل ويصير .....  أزوج  مرة وأكتشف عنده عقم وما يخلف أطفال   ترك زوجته رغم حبه الهه حتى تعيش حياتهه وما يحرمهه  من أمنيتهه يكون عندهه طفل ...قرر ياخذ ابني محمد ويخلي عنده يتعلم ونفس الوقت ونس اله بالبيت انه وامه ما اعترضنه لأن بيهه مصلحة ابني ونفس الوقت خاله مأمن عليه عند خاله

أرغد الله يرزقه  عمي اشكد وأرجع

حسان بالعطله الصيفيه ترجع اشوفكم وترجعون سوة

أرغد مو هواي أطول

حسان انه اعرف الي أبالك يمامه انه اروحن يومين واجيبنهه هي وابوهه وامهه لبغداد اشوفهه

أرغد صدك عمي  بروح ابوك

حسان وروح ابوي اجيبنهن هههههه جا ضحك سنك من طاريهه اجاك

أرغد جا غير هي العافيه  .......

حسان شني كلت

أرغد كلت الله يحفظك عمي

حسان ويحفظك وليدي اريدك سبع وصلنه ...

محمد خالي افتح الباب .... ابووووووي بعد روحي
أرغد اخوي هلا بأخوي

عصام منو بالباب  محمد

أرغد خال محمد ضخم الجسم  ابيض البشره  صاحب شعر أسود كثيف  بيده كتاب  مبين أنسان يحب يقرأ  اسمع صوت موسيقى هادئه
حسان بويه محمد دخل أرغد خلي يرتاح  عصام تعال نحجي هنا بالحديقه