حمامة الشيخ

جزء ثامن

هناك مثل تركي يقول : إذا تعلمت
الدين من الثعلب فسوف تعتقد
تدريجياً أن سرقة الدجاج فضيلة .

هلو حبايب اجيتكم بارت جديد نفس ما وعدتكم قراءة ممتعة

💋💋💋💋💋💋💋💋💋💋💋💋💋💋💋💋💋💋💋💋💋💋💋💋💋💋💋

بنين :صارلنة شهر من ستقرينة بالبصرة يوم من الايام دخل جدو وصاحلي

الجد عادل :بوية بنين تعاي للغرفة

بنين :حاضر جدو رحت وراه دخلت لكيته كاعد على جرباية اجيت كعدت يمه باوعلي وهوة مبتسم ومسح على راسي

الجد عادل :بوية بنين انتي كبرتي يعني عمرج مال زواج والبنية اولهة تزوج وتعوف اهلهة والشيخ علي خوش شيخ وانا متأكد راح يصونج

بنين بستغراب :جدو ما كاعد افهم كلامك وضحلي اكثر

الجد عادل :بوية اليوم اجو خطابة الج الشيخ ضاري وخطبج وووو وسولف الهة السالفة كلهة وانا تردين الصدك اكلج الشيخ علي نعم من عدة ومن تربيتة اخلاق وعز ودلال

بنين :😠😠جدو تدري بية كلش زين انا فكرة الزواج مو بالي لا ومن منو ابن اخو الرجال النسة امي اول ما ماتت وتخلة علي انا امي الله يرحمهة تخلت على حياتهة علمودي وهوة سوة تخلة علي كشغلة قديمة اذا هوة هيج ابن اخو شنو

الجد عادل :لا بوية انتي ضالمة ابن عمج وبعدين الشيخ مو نفس ناجي لا يبوي الشيخ ترباية اخوي خالد

بنين بعصبيه :لعد بابا منو رباه مو جدو خالد نفس الترباية وبعدين هوة منو وينهة علي جدو احنة وين عايشين النهوة شنو وبعدين انا ما أريد ازوج شنو جدو هالدرجة انتة مال من عدي اذا تريد تخلص من عدي كلي اجر بيت واعيش وحدي بس مو ذبني هيج 😢

الجد عادل :بنين شنو هاذ الكلام راح اعتبرة ما سمعتة اريدج هذني اليومين جهزين روحج ماشي

بنين بصوت عالي :جدو مستحيل شنو صارلي ساعه احجي مستحيل ازوجة

الجد عادل :👋👋طراخ هاي لأن عليتي صوتج

بنين 😢😢:تتضربنيي شهكة علمود شهكة ما كملت كلامهة وطلعت تبجي صار بوجهة خوالهة وزوجاتهم واولادهم شنو بنين ليش تبجين وصواتكم عالية
بدون ما تحجي لو تباوع عليهم صعدت فوك طبت بغرفتهة وضلت تبجي

خال منصور دخل لغرفة ابوه شافاه كاعد ومدنك رأسه خير يابه صاير دخلت فجئة وصحت للبنين واصواتكم علت وبعدين طلعت تبجي صاير فهمنة

الجد صافن :ضربتهة
الخال منصور :شنو تحجي صدك يابة تضرب بنين وانتة دائماً تكول اليضربهة بوردة ارميه بطلقة وهسة انتة ضربتهة

الجد :ما أعرف شلون رفع رأسه قمر أركان صعدوا الهة خاف سوي شي بروحهة
صعدوا أركان وقمر لبنين لكوا غرفتهة مغفولة دك الباب أركان