بنين خلص الاسبوع بين التجهيزات والسوك واغراض اجة يوم الخميس يوم الحنة كعدت الصبح سبحت سبحة زينه ونشفت شعري بالسشوار علمود بالصالون ما نتأخر لأن شعري طويل ويتعب فنشفتة بالبيت اجة علينه كرار والبنات مها وحوراء ونور علمود يرحن وياي وقمر همات اخذنه للصالون وطول الوكت كرار ما نزل عينه من قمر وانا ادعي ان شاء الله قمر تحب كرار وتنسى علاء وصلنه وبدت بية ام الصالون والعاملات بدن بالبنات مكيجتني وسوتلي تسريحة بسيطه بس الفستان ما لبسته خليته بالبيت البسة والبنات همة خلصوا كملنة كلنه الساعة بل ٣ ونص مها اتصلت بكرار علمود يجي علينه ورة بربع ساعة اجة كرار اخذنه رحعانه للبيت البنات نزلني بيتنة وهنة راحن لبيتهم يجن وي النسوان المهم دخلت للبيت وصعدت فوك لبست فستاني لونه احمر 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وكعب نفس الون همة احمر نزلت بالصالة جوة صارت الساعة بال ٤ ونص كامن البنات يركصن وكومني اركص وياهن صحيح انا جنت ضايجة لأن صار العرس مو بارادتي بس كلت خل افرح هوة مرة بالعمر 😅ركصنه ركص ذبينه لحم 💃🏻💃🏻💃🏻💃🏻بعدين كعدت لأن كالو راح يدخل العريس يحني العروس كعدت على الكرسي دخل هوة دشداشة وغترة طالع يجنن اجة كعد بصفي بس شنو اهيس روحي ما لابسه ملابس من نضراته وترني جابوا الحنة كالوا حني يد العروسة صدك هوة حناني وحط شريط بي وردة على يدي وانا همين حطيت حنة بصبعة الخنصر ضل كاعد شوي وكام طلع برة البنات كملنة الحفلة ركص وهلاهل خلصت الحفلة وراحوا الوادم لبيت الشيخ لأن بليل حفلة الشباب صعدت فوك غيرت ملابسي وغسلت يدي من الحنة وطلعت الحنة واضحة حلوة بعدين تعشينة وجدو وخوالو راحو للحنة مسوينهة بحديقة القصر صعدنة فوك نباوع من البلكونة شلون الشباب يركصون ركصة الجوبي واكف بالمقدمة الشيخ علي وبيدة سبحة المنظر يجنن شلون يركصون ضلينه نباوع خلصت الحفلة وكلمن راح لبيتة وهمة انا رحت لغرفتي نمت لأن باجر الصبح عدي روحة للصالون كعدنه الصبح اخذانه أركان للصالون انا ومرت خالي بنات عمو اخوات الشيخ ما اجن وياي لأن عدهم خطار والبيت هوسة فما اجن رحنة وأخذت البدلة وياي للصالون لأن ما اجرت بدلة اشتريت كالوا انتي زوجة الشيخ تلبسين جديد المهم بدت بية ام الصالون بشعري طبعاً انا ما صبغتة احب الأسود فخليتة على لونه المهم خلصت التسريحه وبدت مكياج كملنة الساعة بل ٣ ظهر اتصلنه باركان اجة اخذنه دخلت لبيت جدو بعدين صارت الساعة بل ٤ اجت الزفة وانا ارجف اهيس رجلية صارن خيوط دخل الشيخ وجدو خالد وعادل وخوالي وعمامي وبابا همة جدو عادل حط يدي بيد الشيخ وصاه كلالة هاي مو بس حفيدتي هاي قطعه من روحي أريدك تحطهة بعيونك بس شنو يحجي والدمعه بعينه وانا دموعي يصبن الشيخ كلالة بعيوني لا تخاف عليهة مسك يدي يدي ضاعت بيده هوة يدة ضخمة وانا يدي ناعمة طلعنة بسيارة صحيح همة بنفس الشارع بس طلعونة للزفة ومناك نروح للصالون ركباني بالسيارة وهوة صعد بصفي وجدو خالد كاعد يم السايق وكرار سايق وعباس واكف كدام السياره ويهوس ويركص عباس... جان صاحبهة وخذاهة وجان صاحبهة وخذاهة 🕺🕺🕺 بس شنو صدك ضحكاني عباس... أخونة خوش اخو يستاهل الهوسة الولد.. اخونه خوش اخو يستاهل الهوسة الشيخ وجدو يضحكون علي اخر شي صاح علي الشيخ علمود يوخر من السياره الشيخ علي... ولك يلمسودن وخر تاخرنه عباس... هاا هاا شيخ ظاهر مستعجل 🤣🤣🤣🤣 الكل... 😂😂😂 وخر وطلعن السيارات فوينه البصرة وبعدين رحنة للتصوير نزلني من السياره ونزلن البنات وأمة وبيبي علمود يصورن ويانه صورن ويانه وطلعن راحن للسيارات بقيت انا وياه علمود ناخذ راحتنة بالتصوير بدت صور المصورة بس هوة يختار اللقطات استغفر الله مو شيخ مستهتر لقطات كلهن جريئات بالله هاذ منو سواه شيخ وهاي سوالفة اووف شلون هاي خلصنه وأخيراً طلعنه من التصوير ركباني بالسياره وطلعنة للبيت وصلنه المغرب الزلم راحم لأن من رحنة للزفة همة تعشوا دخلنة للبيت جابوه خروف ذبحوه وزعوه للفقرة وبيبي طش شكر وسمسم ما أعرف ليش بس يكولون فال حلو للعروسه المهم كعداني بالصالة وطلع يم اصدقائة ضليت كاعدة شوي بعدين صعدوني فوك لأن كالو راح يزفون العريس صعدت وانا ارجف يا ربي شيخلص اليوم كعدوني على الجرباية وطلعن بقيت بس انا شوي واسمع زفيناه بصاية حيدر وزفيناه بصايه حيدر وصوت دبج على الدرج وصلوا للغرفة ونزلوا دخل علي وكف يمي مسك يدي وكوماني بعد الطرحة وصفن بوجهي وباس كصتي كال روحي غيري ملابسج علمود نصلي ونتعشة صدك انا سويت نفس ما كالي اخذت روب ابيض قماش ستن انا اختاريته طويل بس بدون ردان وفوكاه روب طويل يعني ما يبين شي من عدي 😅😅ضل يباوعلي مصدوم بعدين نتبه وكال يلا لبسي حرام صلاة خلي نصلي الشيخ علي.... اليوم اسعد يوم بعمري يوم زواجي من حمامتي اخذتهة من بيت جدهة وصاني عليهة وطلعنه فرينه بشوارع البصرة وبعدين رحنة للتصوير بس شنو انا الختار اللقطات وهية بس ترجف رحنة للبيت طبيتهة للبيت وطلعت يم ربعي وضلوا يشاقون وهاذ الصكط عباس لو اكضة اكسر اعضامه عباس... شيخ بيض وجوهنة 😉 الشباب... 😂😂😂😂يي شيخ احنة نعتمد عليك الشيخ علي.... الله يطيح حظكم سرسر... ية الشباب...😂😂😂 زفوتي للغرفة دخلت واشوفهة كاعدة على الجرباية بست كصتهة وكلتلهة علمود نصلي ونتعشة راحت للحمام واجت انصدمت والله ليشوفهة لابسه دشداشة خرى حظي شنو هاي شبيهة اكو وحدة هيج تلبس لو ادري انا مشتري الهة صلينه وتعشينه رحت يمهة مسكت يدهة ردت ابوسهة دنكت وهية وخرت الشيخ علي... خيرج بوية شبيج بنين... شيخ قبل كلشي اريد احجي وياك بموضوع الشيخ علي... وشنو هاذ الموضوع الذكرتي هسة 😠😠 بنين... شيخ انا توني يلا حجيت وياك وحدنه وانتة هذاك اليوم كلتلك انا اصالح بابا بشرط وانته وافقت وانا شرطي ما يصير بينه شي الة اتعود عليك الشيخ علي.........
نهاية البارت شنو تتوقعون جواب الشيخ راح يوافق لو لا راح تعرفون الجواب بالبارت ال ١٣ انتضروني حبابيب لا تنسون التصويت والنجمة ليش ماكو تفاعل على القصة بنات هية نجمة مل تأثر
