حمامة الشيخ

جزء ثاني بارت ٣٧

بسم الله
//////////

بنين... ما مصدكة هوة عايش اباوعله كان هوة الوحيد البلغرفة باوعلي ونزلت دمعتي هيسوا وطلعوا حتى آدم اخذاه كرار كال

كرار... تعال بعد عمك تعال اريد اشبع من عدك لأن اعرف من نرجع للبصره ما اشوفك

بقينه انا والشيخ بالغرفة اول ما طلعوا وانسد الباب حضني الشيخ اهيس روحي شوي وادخل بنص ضلوعه

الشيخ علي... افيش يا ريحة هلي هسه يلا ارتاحيت ولج ايام ما انام

بنين بجي... لا تعوفني حباب والله اموت والله من جابوا الجثة متت ضليت عايشه بلي روح انته روحي من الدنيا لا تعوفني والله جنت يومية بليل اباوع لصورتك وابجي انام وانا دموعي بعيني

ردتك يمي من كلولي حامل ردتك يمي من كلولي بيج ولد ردتك يمي من واجهت صعوبه والم بولادة آدم جنت وحدي بس انا وقمر بنص الليل اطلك ردتك انته تأذن بإذن آدم بأول ما صار صحيح غياث ما قصر بس ردتك انته مو واحد غيرك يشيل ابنه اول واحد جنت اشوف البنات يجيبن ورجولتهن يمهن بس انا جنت وحدي لو شفت شلون تبهذلنه انا وقمر من سافرنه تبهذلنه من دوله لدوله

الشيخ علي... اخخ اخخ كل هاذ صاير وياج وانا مو يمج ريتي ميت

بنين حطت ايدهة على حلكه.. اسسس اسسس لا جيب سيرت الموت على لسانك كافي عذاب تعذبته باربع سنوات كافي دموع كافي بجي ما أريد شي أريدك بس انته اريد نربي ابنه سوه

الشيخ علي... وداعت عيونج حمامتي اعوضج واعوض إبنه عل السنوات الي فاتن
يلا تعاي خلي نطلع يمهم اريد اشبع من آدم

بنين... يلا
طلعنه كعدنه هوة اخذ آدم من كرار وحطاه بحضنه وانا بصفه

الشيخ علي... إن شاء الله باجر نطلع للبصره حتى غياث وعائلته ودنيا وعائلتهة

غياث... عذرنه شيخ ما نكدر اول شي شغل وثاني شي اهل جوري اخاف عليهة لأن الناصرية قريبه على البصرة واخاف واحد من اقاربهة يشوفهة ويخبر عليهة

الشيخ علي... افه جوري بحماية بيت الشيخ ومستحيل واحد يوصل الهة

غياث... مشكور شيخ ما تقصر ان شاء الله نرجع وياكم

دنيا... بس شلون نكدر بيوم واحد نسوي نقل من بغداد للبصره

كرار... صحيح

الشيخ علي... إن شاء الله باجر نرجع وانا اخلي صديقي رتبته عاليه بالجيش يسوي نقل

قمر... هههه طبعاً انا وبنين يوميه نداوم بمستشفى

دنيا... ههههه قنينة غاز يوميه بيت

الكل... ههههههه

كرار... لا ان شاء الله بعد ماكو بعد

الكل... إن شاء الله

غياث... يلا لازم نروح علمود نجهز نفسنه

بنين... يي صحيح لازم نروح