حمامة الشيخ

جزء ثاني بارت ٣٢

بسم الله

بنين... صرنه احنه وعائلة الدكتور غياث واحد لأن خوش ناس وبذات جوري حبابه والبكلبهة على لسانهة

طبعاً صارلنه شهر بالمانيا دخلت بشهري السابع وبطني بارزة

اليوم عزمنه جوري وغياث على العشة

اجوا سلموا وكعدنه نتعشه خلصنه وكعدنه نتعلعل

قمر... اكول جوري انتي شلون تعرفتي على دكتور غياث اذا هوة من البصرة وانتي من الناصرية

بنين... شفت جوري سكتت وتنهدت باوعت لغياث جان كاعد بصفهة مسك ايدهة واشرلهة برأسه يي

جوري... باعي انا من الناصرية بمنطقة ريفيه يعني البنيه بس شغل بيت بحيث حتى مدرسة ما داخله وجنت نادرة وأهلي يحبوني وعمامي وخوالي يعني الكل

بنين وقمر... يي

جوري فجان هاذ الحب من الكل صار لبنات عمامي كره الي مع العلم اهلهن يحبوهن بس هنة نفس ما تكولين غيرة زايدة فيوم من الأيام اجة دكتور يشتغل بالمستوصف بمنطقتنه يعني يمنه نروح مشي

فاول ما اجة الدكتور ابوي عزمة على غدة كال عيب هوة جاي لسلف مالنه لازم نضيفه فاجة للغدة ومن طلع يغسل انا جنت توني جايه من نهر اجيب ماي على راسي فصار بوجهي دكتور غياث

انا كأي بنيه انعجبت بي بس ما كلت لأي واحد وله تردين الصدك حبيته يعني حبيب من اول نظره

فكمت يوميه من اروح اجيب ماي امر من المستوصف علمود يشوفني

قمر.. الله وانته دكتور حبيتهة

غياث... اذا اكول لا اجذب يي حبيتهة بوجهة الطفولي

قمر.. الله وبعد كملي صار

جوري... المهم صرت يومية اروح منا لمن مرة صاح وراي

جوري جوري

جوري.. درت وجهي وياي

غياث... يي وياج اكو وحده غيرج اسمهة جوري

جوري... لا بس منين عرفت اسمي

غياث... هذاك اليوم من تغديت عدكم امج صاحت عليج وعرفت

جوري.. هاا وشتريد هسه مني مو عيب تصيح باسمي بشارع

غياث.. على كيفج عيني محد هنا وهاا اريد اكلج يا بت الناس على كيفج على كلبي ترة ما بي حيل لهيج وردة جوريه

جوري... عزة هاذ شلون يحجي هيج رحت للبيت ركض

طبعاً جانت بت خالي نفس اختي تعرف بعلاقتنه

المهم صرت يومية اروح ونسولف وعترفلي بحبه وعدني نزوج حتى من يجي يمي يعلمني الحرف والقراءه والكتابه

هذاك اليوم رجعت للبيت واشوف عمامي مجمعين يم اهلي دخلت وما اشوف اله اخواني سحلوني بالغرفة الأخيرة وشبعوني كتل