حمامة الشيخ

جزء ثاني بارت ٢٩

بنين خلصت العدة وانا دخلت بنص الخامس اجت خالتي ام الشيخ حضنتني وبجت دائماً من تجي شوفني تحضني وتبجي تكول انته من ريحة الغالي

ام علي... يلا بنين حضري غريضاتج وتعاي

بنين... انا اجة بالي كلام حميدة بس كلت لا مستحيل يسونهة لأن همة يكولون اخر ذكرى من الشيخ صعدت فوك احضر غراضي دخلت حميدة وسدت الباب وراهة

حميدة... بنين ليش ما رفضتي والله يزوجونج لواحد من الولد

بنين... لا خالة ما يزوجوني لأن خالة كالت انتي من ريحة الغالي فأكيد من زوجني للولد

حميدة... ماشي براحتج بس اذا سووهة تعاي لابوج او كولي لاخوانج

بنين... ماشي

كملت ملابسي وشالتهن حميدة كالت خاف مو زين عليج الثكل وانتي منا حامل شالتهن هيه

نزلت بعد ما لبست شال وعباية ونزلت

اخذتني خالتي وياهة جاي حيدر أبن عمي نجم

حيدر... شلونج بنين

بنين.. الحمد لله

رحنه للبيت استقبلونه الكل وبيبي حضنتني وكامت تنعة على الشيخ

الجد... صبيحة كافي مو زين البجي ادعيلة لا تنسين راح شهيد

بيبي سكتت وانا صعدت فوك بعد ما ندى ونور صعدن غراضي دخلت للغرفة واجة بوجهي ريحة عطرة نفسة بعدهة بالغرفة

كعدت بالكاع وضليت ابجي رحت للسرير حضنت مخدته وبجيت

///////

قمر

بعد ما مات الشيخ كرار تحطم بس ما جان يبين هاذ الشي بس من يتصل بيه يضل يبجي

طبعاً البيت كله ضايج على الشيخ لأن جان خوش رجال وهمة بنين خطيه ماتت امهة قبل لا شوفهة وابوهة تركهة وهسه رجلهة همة توفى اووف الله يصبرهة

////////

اخذتني خالتي علمود اسوي سونار

دخلت على الدكتوره

السلام عليكم

الدكتوره...وعليكم السلام

دخلنه كعدنه على الكراسي انا وخالتي حجت خالتي

ام علي... دكتوره هاي جنتي اجيت انسوي سونار ونشوف شنو بطنهة

الدكتوره... حاضر حبيبتي تعاي هنا

بنين.. رحت تمدد على السديه وحطت السونار وضلت تباوع علي
من ورة الستارة كالت يلا ماما كومي

كمت عدلت ملابسي وكعدت يم عمتي

ام علي... هاا دكتورة بشري

الدكتوره... عيني مبروك بيهة ولد

عمتي فرحت لأن راح يجي ابن الشيخ وانا فرحتي ما كاملة لأن جنت اتمنى هاذ الخبر نستقبله انا وياه