حمامة الشيخ

جزء ثاني بارت ٣١

بسم الله

--------------------------
--------------------------

قمر... باوعت من فتحة الباب اشوف ولد شاب حوالي بنص الثلاثين وبنيه بصفة

قمر... بنين هاذ رجال ومرة

بنين... فتحي الباب خلي نشوف شنو يردون

قمر... فتحت الباب دخلت البنيه اول شي وبعدين الولد بقة واكف يم الباب طبعاً مبين من شكلهم عراقيين

تفضلوا

جوري... حبيبتي زاد فضلج

دخلت البنيه وبقى الولد

اخي تفضل لا تبقى واكف بالباب

غياث... شكراََ اختي

جوري... هلا حبيبات انا جارتكم شقتنه يم شقتكم وهاذ زوجي دكتور غياث

بنين.. أهلاً وسهلاً تشرفنه بمعرفتكم

غياث... النه الشرف اختي

جوري... طبعاً اول ما اجيتوا للشقة اجالي غياث كال انتي مو تردين عراقيين صاروا جوارينه عراقيين وكلتله هسه جيبني واجيتكم

غياب.. عذرني بس جوري لحت علي نتعرف عليكم بالخص من عرفت عراقيين

بنين وقمر...لا عادي اصلاً بالعكس همة احنه جنه خايفين بس من تعرفنه عليكم كلبنه اطمئن

جوري... عمري فدوة اكول انتن من يا محافظة من العراق

قمر... احنه من بابل
ضلت بنين تباوع متفاجاة بس سكتت
وانتوا من وين

غياث... انا من البصرة وجوري من الناصرية

بنين.. أهلاً وسهلاً بيك

بقوا يحجون ورادم يطلعون كالت جوري

جوري... حبيباتي لا طبخن هسه انا اسوي عشه وادزلجن

قمر... لا عمري مشكورة لا تكلفين نفسج

جوري... لا عمري ماكو تكلفة واحنه عدنه عادات من يجون جوارين جداد نوديلهم وجبه اكل

بنين... شكراََ هاذ من فضلج

جوري... يلا بأي

بأي

راحوا
التفت لقمر

بنين... ليش كلتيلهة من بابل

قمر... احسن ما نريد نأمن لأي كان

بنين... بس مبينين خوش ناس

قمر.. اعرف خوش ناس بس الحذر واجب

بنين وراهة بساعه دك الباب

فتحته قمر جانت جوري

جوري... تفضلوا هاذ العشه بالعافيه

قمر.. الله يعافيج عمري

راحت وقمر سدت الباب

فتحت الجدر جانت مسويه تمن اصفر وفوكاه حشو شعريه ملونه وفستق ودجاجة شوي كامله