بسم الله
/////////
نور... امي كعدت بالحديقة وتبجي سمعنه صوت سياره بالباب وصوت فتحت الباب وانشوف الشيخ دخل
الكل بحاله صدمه حلم لو حقيقه لا اكيد حلم لأن الشيخ مات ودفنه جثته
الشيخ علي... شنو محد يستقبلني
طفر علي عباس وحضنه وضل يصرخ ويبجي
عباس بصوت عالي... عايش عايش والله عايش والله عرفتك ما متت ما تعوفنه ااخخ خويه وين جنت ليش جنت مختفي موتتنه بقيابك هيج هيج خويه 😭😭😭😭
الشيخ علي... رجعت عباس كافي بجي ولك وخر خنكتني خلي اسلم على امي
راح الشيخ لامي وحضنهة وهيه كاعدة وصافنه وبس دموعهة
الشيخ علي.. شني يمه ماكو هلا بيك وانا كلت هسه تتلكاني من الباب وتكلي هلا بشمعت البيت
ام علي... صمت
الشيخ علي يباوع بوجه امه... شبيج يمه ليش هيج صافنة بيج شي
ام علي توهة تبهت ورجعت لوعيهة... حضنته يمه فدوة اروحلك انته صدك ولك يمه حركت كلبي تبوس بوجهة واثنينهم يبجون
الجدة.. تعال يمي حبوبه
راح لحبوبه حضنهة
الجدة... حبوبه فدوة لطولك يمه توه نور البيت
سلم على الكل والكل يحضنه ويبجي بس جدي اهيسه شلون الخجلان والمسوي شغله وخايف من رده فعله الشيخ
ردنه ندخل الشيخ حضن جدة بيده اليمنى وامي بيده اليسرى ودخل ردنه ندخل بس جدي ضل واكف
ابو علي... بويه يلا ادخلنه
الجد.. واذا سئل على مرته شنو نكله هاا
خرب تونه يلا ذكرنه بنين والله لو يدري صير مشكلة الهة بداية بس ما الهة نهايه
ندى.. كولي شيخلص حيدر والله لو يدري بحيدر يسوي عبره لمن اعتبر
ابو الشيخ... بويه فوت وصلي على محمد جاا انته شدراك بشيخ بعده عايش هاا واكيد راح يفتهمك وشنو نيتك
ابوي دخل جدي للبيت ونشوف بس امي وجده كاعدات بل هول ووجوهن صفر
كرار.. وين الشيخ
الجدة... صخام ولكم راح لغرفته يكول بنين ماكو اكيد توهة راجعه من الدوام ونايمة
كرار.. خرب الخفنه منه راح يصير
نزل الشيخ مثل العصار... وين وين بنين
كرار... تعال خويه اكعد وارتاح وهسه نسولفلك
الشيخ علي.. بس لا جدهة اخذهة هسه اروح اجيبهة
محمد... تعال اكعد اول شي
الشيخ علي.. كعدت
محمد... اول شي سولف وين جنت وليش كالوا عليك استشهدت
ŞİMDİ OKUDUĞUN
حمامة الشيخ
Romantizm- أحبكِ أنا المفلسُ بكل ما أملكه من لمعان ليتمتع العالم بالشِعر الذي يفرك الصدأ عن القلب ولكي أنجو من العيش في السهولة أحبكِ لأتمتع بموت عميق.
