"ခွပ်ဒေါင်း အမကို ဒေါ်မြင့်တို့ဘက်သွားပြီး ကြက်သားစွပ်ပြုတ်လေးသွားပို့ပေးစမ်းပါ ဒေါ်မြင့်သိပ် နေမကောင်းလို့တဲ့
"ဟာအမကလဲ နင်ဘာသာသွားပါလား
"ငါမအားလို့နင်ခိုင်းတာပေါ့ ငါသွားရင်နင်ထမင်းအိုးကြည့်ထားမလား
" မကြည့်နိုင်ဘူး စွပ်ပြုတ်ဘဲသွားပေးမယ်
"ပြီးတာဘဲရော့ အပြန်ခါကျရင် ဘူးရွက်လေးလဲခူးခဲ့အုံး
"အေးအေး ငါအတွက် ကြက်ဥမပြတ်နဲဒီနေ့ကြော်ပေး
"သွားပါသိပါတယ်
ခွပ်ဒေါင်းကြက်သားစွပ်ပြုတ်ပန်ကန်ကိုယူပြီးတဖက်ကဒေါ်မြင့်တို့ခြုံထဲဝင်လာခဲ့လိုက်တော့သည်။
" ဒေါ်မြင့် ဒေါ်မြင့်
ပြန်ထူးသံမကြားတာနဲ့ ခွပ်ဒေါင်းအိမ်ထဲကိုဘဲဝင်လာခဲ့လိုက်တော့သည်။
"ခွပ်ဒေါင်းပါလား အန်တီမြင့်အသံတော့ကြားတယ် ချက်ချင်းကြီးထမလာနိုင်လို့ကွယ်
",ရပါတယ် အမက ကြက်သားစွပ်ပြုတ်လေးပေးခိုင်းလိုက်လို့ လာပေးတာ အန်တီမြင့်နေမကောင်းဘူးဆို
"ဟုတ်တယ်ငါတူရယ်အခုတလောမောမောနေလို့
"ဆေးတွေရောရှိသေးလား မရှိရင်ပြောနော် အားနာတယ်ဆိုပြီး မပြောဘဲမနေနဲ့
" ဆေးတွေရရှိပါသေးတယ် ကုန်ရင်ပြောပါမယ် မင်းတို့မိသားစုရဲ့ ကျေးဇူးတွေကို ဒေါ်လေးဒီတစ်သက်ဆပ်နိုင်ပါမလားမသိပါဘူးကွယ်
" ဘာမှ စိတ်မကောင်းစရာတွေ စိတ်ထဲ
ထား မနေပါနဲ့ ကိုယ့်ကျန်းမာရေးကိုသာဂရုစိုက် အခုစွပ်ပြုတ်လေးကို ပန်ကန်ထဲထည့်ပေးခဲ့မယ်နော် ဒေါ်မြင့်ဆာရင်စားလို့ရအောင်
"အေးကွယ်ကျေးဇူးတင်ပါတယ် သွားတွေကသိပ်မကောင်းတော့ စွပ်ပြုတ်လေးဘဲသောက်နေရတယ်ငါတူရယ်
" အန်တီမှတော်ပါသေးတယ် အိမ်က အဖေဆို သွားမကောင်းလို့ရေတောင် ထောင်းတိုက်နေရတယ်
"ငါတူကတော့ပြောတော့မယ်ကွယ်
"အဲ့တာဆို ပြန်လိုက်အုံးမယ်ဗျ ဘူးရွက်လေးနည်းနည်းလောက်လဲခူးသွားအုံးမယ်
