"ဆရာလေး
နွေဦးခေါ်သံကြားလို့ ကြည့်လိုက်တော့ ဖိုးသား လက်လေးနှစ်ဘက်နောက်ပစ်ပြီးတော့ နွေဦးကို ကြည့်နေရှာသည် ။ ဘာပြောချင်လို့ပါလိမ့်
"သားဘာပြောမလို့လဲ ပြောလေ
"ပေးစရာရှိလို့
" ပေးလေ
ဖိုးသားပေးတာဟာလေးကိုကြည့်လိုက်တော့ စာရွက်လေး ဘာတွေများရေးထားပါလိမ့် ဆိုပြီး နွေဦးဖွင့်ဖတ်ကြည့်လိုက်တယ်
^ခင်ဗျားရဲ့ နှလုံးသားမြို့တော်ကို သိမ်းပိုက်ဖို့
ကျုပ်ရဲ့ စစ်သည်တော် သုံးယောက်ချီတက်လာပြီ
စစ်ခရာမမူတ်ဘဲနဲ့
အချစ်ကဗျာတစ်ပုဒ်နဲ့ တင်
ခင်ဗျားကိုသိမ်းပိုက်မယ် ^
ပုံ/အရမ်းချောမောခန့်ညားတဲ့ကောင်လေး
•••••ကြောင်တောင်တောင်နဲ့ ဘာတွေလဲ ရေးထားတဲ့လက်ရေးကလဲ တီကောင်ဆားနဲ့ပတ်ထားပြီး ပဲပင်ပေါက်ကားကြိတ်ထားတဲ့အတိုင်း
နွေဦးတွေးမိသည် ဒီစာကိုရေးတဲ့သူက ကျုပ်တော့မပြည့်လောက်ဘူးဆိုတာကို ဒါနဲ့ဒီစာကိုဘယ်သူပေးတာပါလိမ့်
"သားသား ဒီစာကိုဘယ်သူကဆရာလေးကိုပေးခိုင်းလိုက်တာလဲ ဆရာကိုပြောပြနော်
"ဦးဦးခွပ်ဒေါင်းက သူပေးတယ်ဆိုတာကို ဆရာလေးကိုပြန်မပြောနဲ့ဆိုပြီး မှာလိုက်တယ် ဆရာလေးရဲ့
နွေဦးမှာဖိုးသားလေးအဖြေကိုကြားပြီးရီရခက်ငိုရခက် ဟိုတစ်ယောက်ကဘာမဟုတ်တာတွေ လုပ်ဖို့များစဉ်းစားနေတာပါလိမ့် သူနွေဦးကိုပြသာနာမရှာရရင်မနေနိုင်ဘူးထင်ပ
"သားကိုယ်နေရာကိုယ်သွားထိုင်တော့နော်
"ဟုတ်
နွေဦးစာရွက်ကလေးကိုစာအုပ်ကြားထဲညှပ်လိုက်ပြီစာသင်ဖို့ပြင်လိုက်တော့တယ်
__&&___&&___&&
" ဒေါ်အာကျယ် ခင်ဗျား ဘယ်ချိန်မှ ကျုပ်အဖေ အကြွေးကိုဆပ်မှာလဲ
