صمت المحطات

مشاهد

أسعد الله أوقاتكم بكل خير أحبتي
ـــــــــ             ـــــــــ

•• شيئٌ ما غيرَ مُنصف يستمرُ بالحدوثِ ••

~~~~~~~~~~~~~~

مشهد (١)

... باوعتلها متوسلة عمة اريد جهالي فدوة لاتصيرون

انتم والزمن عليا تگلي يمة بنيتي انتِ يشهد الله وغلاتچ

من غلاة بناتي ما يحتاج اشرحلچ وكسرتچ هاي فطرت

گلبي بس انه وانتي نعرف ابو ..... ونعرف شني ممكن

يسوي يمحي اخوتچ بجرة قلم يايمة شوفة عينچ بنص

نهار دمرچ ، ! هي عدها حق چانت الدولة الهم بس موبيدي

لهفة گلبي شيردها باوعت لعمي استجدي منه الكلمة التنطيني

أمل دنگ راسه وگال ذبي حمولچ ع ربچ بويا صرخت

بعلو صوتي ياالله ساعدني يتيمة ومالي غيرك ...

********************************************
****

مشهد (٢)

انتبهت ع صوته يحاچيني 

الغريب : اختي انتِ وياية ؛؛ وآنه واگفة گدامة بملابس البيت

استغفر الله ربي واتوب اليه شون ماحسيت ع نفسي يمكن

من الصدمة ربع ردن وقصيرة وهو ملثم بغترته الابيض والأسود

(يشماغ ) كلشي ممبين منه بس عيونه السودا واضحة نظره

متركز ع وجهي گتله ببلاهة ها اي عمو وياك وياك لمحت

ابتسامته من عيونه ، گتله بس الله يخليك انتظرني

لحظا ركضت لغرفتي جريت احرام الصلاة لفيت نفسي

بي والتفتت الكتب والملازم مطشرة ع السرير

اخذت دفتر الاحياء يمكن !  شگيت منه ورقة بعشوائية
وبنبض گلبي المسموع ورعشة إيدي كتبت :

"خلي أشبع شوف منك گبل متشد الرحال
انطيني فرصة يَ العزيز أبچي بأحضانك تعال"

لتعوفني لـ ...

حاولت انزع گلادتي آية الكرسي اللي مفارقتني من لحظة

لبسنياها بابا بيوم و... مجت بيدي جريتها بقوا حتى

انگطعت خليتها داخل الورقة وطويتها وطلعت للشخص

الغريب اللي دخل بيتي ودخوله كان كفيل بزلزلة حياتي
بلحظات ؛

.... : تگدر توصلها اريد شي منه يطمن گلبي فدوا ، ...

************************************************

مشهد (٣)

،عاف الچطل (الشوكة) ع جهة شال قطعة الكيك  بيده واخذ

منها قضمة وباعجاب گال الله شگد طيبة صدگي مشتاق

لهالطعم ولهالگعدة الحلوة ابتسمت بوجهة مجاملة ،

بنفس الوقت حيل خنگتني العبرة دنگت حتى لايبين عليا

لكن للأسف عيوني خانتني ونزلت دموعي غصب يارب مجاي

أگدر اسيطر عليها خليت ايدي ع عيوني كأنو عندي صداع

اي حركة بس حتىٰ اغطيهم مگدرت تنزل عشرة عشرة

شگد نفسي ارتمي بأحضانه وابچي مثل قبل حس بيا غمض

عيونه وتنهد .. زفر انفاسه وگال :

من شوكت تضمين دموعچ عليا لـــ ... ؟

: من زمان لــــ... من سمعت لمـ ... وعفتني

گام گعد بصفي رفع راسي بيده باوع لعيوني وگال شلونچ
مـ...؟

ماگدرت اعاتبه ماگدرت گلبي مانطاني  اگوله آآه لو تدري شگد

انتظرت سؤالك هذا اكتفيت بدموعي هي تشرح حالي

************************************************

.." صمت المحطات "..

💛مع خالص الود .. زينب عبدالله  💛

🌻🌻🌻 قراءة ممتعة  🌻🌻🌻

ضيفوها للمكتبة ح ترجعون تقروها 😉

لتنسون التصويت والتعليق  بين الفقرات ⭐️أحبكم كومة⭐️