لو انتهى الذئب من فريسته التي تقاوم ، ستصبح وليمته القادمة الخراف التي شاهدت العرض
أسعد الله أوقاتكم بكل خير أحبتي
ـــــــــ ـــــــــ
اعذرني وداعتك مابيا شي يسوه
شسوي ببشر ينشاف بالگوا
شسوي ببشر من حچو عنه وغاب
محد ضل وراه بليل يچوا
مرات اليحب من يلچم يرتاح
چا هي الجروح الفاهية شتسوة؟
چا هي العيون الما تفز بليل
وتبچي اعله النسوها عيون مو حلوة
وانه اشتاگلك .. بس لازم اتناساك
عرفتلها وبعد ماروحلك فدوة
—_—_—_—_—_—_—_—
عودة للماضي / بابل 1986 //
د.أميرة : گاعدة بالعيادة يومي روتين عادي اللي تجي
مچوية إبنها بطريقة مخيفة وهسة ندمت وتريد الاثر
يروح واللي جايبة بنتها الاگزيما ماكلتها اكل ماما وين
چنتي عنها ؟
الأم : دكتورة الادوية غالية وابوها بالعسكرية يادوب
مطلعة الايجار ولگمتهم
اشدد بكلامي أمي يا غالية ؟ المراهم الكتبتها الچ كلها
مرطبة ومتوفرة بالمجان جوابها ذكرني بواقعي
المر وين اكو مجاني دكتورة كلها خارجي آني اروح لأبو
الاعشاب يسويلي خلطة والله كريم
.... : ماما الادوية كلها متوفرة بالمجان شون نفاق عينك
عينك چا ياهو يبيعهن ابويا ؟
د.أميرة :بإذني سمعتهن يحچن عليا الممرضة رضية
ودكتورة احلام ودكتورة جميلة وصفني بالمنافقة واتهمني
بالبوگ ولو مو ذنبهن هذا العرفوه عني من انقلت يمهم اجيتهم
بسمعة مو زينة وآني ضالة مثل بلاع الموس احچي اتأذه
اسكت اتأذه طفرت الدمعة بعيني .
YOU ARE READING
صمت المحطات
Romanceكلما تقدم بنا قطار الحياة نحو الامام توقف بمحطات ... محطة سَعِد ... محطة أسى ... محطة ضياع ... محطة وجود .. محطات سيدها الفراق .. وأخرى إزْدانت بالتلاق .. ومابين الترح والفرح .. بين الخطأ والصواب .. صور متناثرة .. ضحكات تصارعها آهات دفينة...
