صمت المحطات

بارت ٢٣

هذا اوان البوح يا كلّ الجراح تبرجي..

~~~~~~~~~~~

أسعد الله أوقاتكم في كل خير أحبتي

~~~~~~~~~~~~

#لملمني عله طولك
                  #ثوب مالت عيد
#فقيره رويحتي
                    وتستاهل #الفرحه

فاجئني من اتقرب عليا واخذني لحضنه

تسارعت دگات گلبي ؛ اتمنيت ابقى بحضنه

من خوفي منه ماريد أشوف تعابير وجهو

حتىٰ ؛ ماعرف شون اشرحها لكن ردت

اظل خاتله منه بأحضانه رفعت ايدي السالمة

وقبضت بكفي ع قميصه ربت ع ظهري

يطمني

: طبع قبلة ع جبيني الحمد لله ع السلامة

ليش هيچ خوفتيني عليچ ؛ جاوبته بصوت

مخنوگ يسلمك ربي ويحفظك ، سألني بهمس

: حچيتيلهم ؟ 

.. جاوبته بنفس النبرا لا

: اي عفية عليچ ، يللا نروح

تقربت عليا لجين وگالت اموت واعرف

من تحچون بصوت ناصي شون تفتهمون

واحد ع اللاخ لا واللي يغث يناقشون اهم

امور الحياة بالهمس ابتسمت بوجهها والليث

هم ضحك يگلها سر المهنة حبيبتي

د. أميرة : الليث خلي لين تجي يمي لحد

ماتشد حيلها لجونة ماتگدر تداريها

الليث : بكيفچ امي اللي تشوفي

رحت وياهم وعبالك مهاجرة لغير بلد

مو فرق كم شارع ويومية راح اشوفه

لا ضلت عيوني عليه أريد أعرف موقفة

مني مافهمته اميرة الزغيرا چلبت بيا

وتبچي الا انه اشيلها انه هم مشتاقتلها