صمت المحطات

البارت ١٢

أنت صالح مادمت تجاهد نفسك على الصلاح
محاولات الاستقامة لاتصدر من قلوب فاسدة

•••••••••••••••

اسعد الله اوقاتكم بكل خير أحبتي

••••••••••••••

أعتذر عن التأخير قرائي حبايبي چنت مشغولة بامتحانات نصف السنة وصيام رجب يارب ينعاد علينا وعليكم بالخير

لايعرف الحزن إلا كل من عشقاً
وليس من قال اني عاشق صدقاً
للعاشقين نحولٌ يعرفون به
من طول ماحالفو الاحزان والأرقا

الليث //

بعد انتهاء مراسم الزفاف واقترابنا من

أصعب لحظة تمر بيها أي عروس

وهي لحظة وداع الاهل وخصوصاً

اللي اهلها بعاد مثل حالة سمرا

دموع الفرح المختلطة بدموع الفراق

منظر مؤثر جداً امها واختها حالتهم 

حالة بعدها زغيرا ومامتهيئين لفراقها

تقربت ضميت عروستي تحت

جناحي اهدئها بست راسها وهي

تنهت بأحضاني باوعتلهن مبتسم

گرصت ورقاء من خدها وأصنف

عليها  ضليت اتشاقا وياهم شوي

ضحكتهم حتى اغير جو ووعدتهم

ع گد ماگدر ماخليهم يحسون بفراگها

التفت لحبيب اللي حالته أصعب منهم

لكن كاتم ومتحمل لخاطرها وجهتله

الكلام ها خويا الغالي مشكور ماقصرت

انطيتني قطعة من روحك اوعدك ادللها

واصونها مثلك واكثر لايضل بالك ،

احتضني بقوا يربت ع كتفي وگال اي

يبعد أخوك قطعة من روحي بنيتي الچبيرا

وأول فرحتي صارت بين ايديك ماريدها

تحتاجني بوجودك ، انه وامها وصيناها

وهاي للمرا الثانية أعيد وصيتي تكون

إلك سكن وسكينة ، ترفع راسي وماتطلع