الَ هـيلـه

9

( 6 / 12 / 1400) .. الساعه ( 53 : 10 )

خلف:"تحسبوني ساكت عن عيد وانا انتظره يسوي شي عشان اتحرك يكفي انه دخل بيتي ومسك بناتي وخوفهم وفتن بينهم والكلام ذا لا يطلع عند امهاتكم وخواتكم تدرون انهن ماراح يرضن وخلاص خالد رح دورتك معليك منا"

خالد:"ولله ما اروح!"

متعب:"ماراح تروح دورتك؟"

خالد:"رجلي رجلكم والبنات الي اذاهم عيد خواتي!"

سلطان:"انهبلت انت؟..حنا كثار رح لا تقعد معنا وراك حلم تبي توصله من سنين ويوم قربت دورتك تبي تقعد معنا؟"

خالد:"خالي سلطان لو اقولك رح عش حلمك واشتغل واستانس وحنا بنروح ناخذ حقنا وحق بناتنا ويمكن اخر مره تشوفنا بتروح؟"

سكت سلطان لان لو يقطعونه ماراح يسويها اما نهيان مو عاجبه الي بيصير وقام من عندهم لما خلصوا كلام..

ولما قعد ابوه لحاله وقاموا الباقين رجع نهيان لبوه وهو قاعد يشرب شاهي قدام ناره..

نهيان:"ابوي تبي ازيد لك الشاهي برد"

مد خلف الكاسه له واخذها نهيان يزيد له عشان يحتر واخذ الكاسه خلف ودرا ان ورا ولده علم..

خلف:"اهرج اسمعك انا"

نهيان:"ابوي حنا بوجه عيد وعيالنا توهم مشوا مالهم الا اسبوع خلنا مانبي نخرب العيد على اهلنا"

خلف:"لا تخاف وانا ابوك بنعيد ونذبح ذبيحتنا ما اتكلم الحين"

سكت نهيان ماوده يجادل ابوه زياده لان ابوه على حق..

قام وركب السياره وراح لحديقه قريبه من بيت الريم محد يعرفها ولا صار احد يروح لها الا نهيان ومعشوقته..

صدفه قعد نهيان هناك الا وهي هناك اصلاً..

تقابلوا ولا هي اول مره وقعدوا على الكراسي..

الريم:"شفيك؟"

نهيان:"سلامتك مافيني شي..انتي فيك شي احس وراك موضوع تكلمي اسمعك"

سكتت الريم شوي متردده بس تكلمت

الريم:"ابوي بيروح برا السعوديه عشان جده مريض وبيتعالج هناك وبيقعد ثلاث سنين على توقع الدكتور هذا اقل شي ومقدر اروح واترك شغلي هنا وقالي انه بيزوجني واحد من اقاربي عشان اكون على ذمته ولانا بوجه عيد يبي يفرحني وامي الله يرحمها بس انا قلت له ان فيه واحد بيتقدم لي وقالي منهو وخفت اتكلم بعدين يدري اني على علاقه معك وسكت وطلع وهو يقولي اذا ماجاء خلال هالمده ماراح يرضى فيه"