الَ هـيلـه

15

شافتهم نوره كلهم قايمات يرتبون لسفرتهم الا هيله مالقتها وراحت فوق وفتحت الباب الا ذي هيله راحت تطالع بوجها وكانت تتعرق وبس قومتها نوره وهي خايفه عليها قامت علطول وهي تاخذ انفاسها

نوره:"هيله فيك شي!"

سألتها نوره وانخلعت لما شافت بنتها دموعها تنزل فجأه واستوعبت هيله دموعها ومسحتهم

نوره:"هيله لا تخوفيني وش فيك!"

هيله:"مسلط.."

نوره:"وش فيه مسلط؟؟"

هيله:"مسلط تحلمت فيه مره ثانيه يمه!"

نوره:"وش حلمتي؟"

هيله:"المتلثم عزيز مو هو الي ذبحوه!..هو قالي بالحلم ولله ما اكذب مو عيد واهله الي ذبحوه!"

نوره:"كيف وهم معترفين ان هم الي ذابحينه!"

هيله:"لا يمه قلت لها زي كذا بس رفض تماماً مو هم الي ذبحوه!"

نوره:"هيله تعالي معي وغسلي وجهك وشوفي البنات يستعدون لسفره تحت..اهمشي جرحك مايعورك"

قامت نوره وقومت هيله الي تناظر بمها وهي مو مهتمه..

هيله:"يمه شفيك!..قاعده اقول مسلط مو الي ذابحه عيد!"

نوره:"هيله..خلاص يااُمي مسلط راح لربه حتى لو لقينا الي ذابحه ماراح نذبحه خلاص انسي واذكريه بالخير"

هيله:"كيف انسى؟"

نوره:"هيله!..لا تفتحين مواجع خديجه وفاطمه من جديد خلاص!"

كانت نبرة امها اكثر شده من قبلها واستغربت هيله لانهم ماقالوا كذا قبل لما علمتهم وكانوا يبون ثأره..

طلعت نوره من عند بنتها الي قعدت تفرك عيونها وتفكر بكلام امها وهي صادقه..

طلعهم خلف على قد وعده واخذهم لشرقيه..

متعب:"ماتبي ترجع هي خل تقعد وتعرف ان لله حق"

مزنه:"اي ولله ياوليدي الي مايعيش مشاكلنا وش يبي بفرحتنا خل تعلم من الريم سمله عليها تزوجت وهي عارفه المشاكل وبغته في ضيقه قبل فرحته"

سلطان:"انا تعبان ابوي مقدر اسوق خل خالد ولا سعود يسوقون"

خلف:"زين اجل خالد وسعود يركبون مع البنات ومزنه وعبير يجن معنا"

اخذوا صالونهم الاثنين واركبوا واربع ساعات الطريق بس مع وقفتهم عند المحطات ويقفون عشان يتغدون ويتقهون طولت الرحله وهم ماشين من الساعه تسعه الصباح..