الَ هـيلـه

13

خلف:"تعالن اقعدن"

راس له خلف على راس طعس ومعه حريمه عبير ومزنه..

خلف:"هايف ترا بيرجع"

مزنه:"متى؟"

خلف:"وانا وعبير تناقشنا قبل العشر وقلنا لأهل عبير يردونه لازم يعيش مع اخوانه واهله صح هو مايبينا ولا حتى امه عبير بس لازم يرجع بعد هذي السنين كلها عسى الله يصبرنا ويتعود علينا بسرعه"

مزنه:"وانا توني ادري؟"

خلف:"وراك؟"

مزنه:"وراي؟..انا شايفتك اصلاً صاير ماتعلمني شي ومقضي وقتك مع هالبدويه الي ماتعرف الا كيف نحلب ذي وكيف نولد ذي وانا بنت العز متروكه"

خلف:"مزنه وش ذا الكلام!..ماكبرتي!"

عصب خلف على مزنه وكيف تتكلم كذا وكأن الزمن رجع فيه ثلاثين سنه..

مزنه:"اي اصلاً هايف لا هو ولدي وهي الي جابت لك ولد مو صاحي وتركته عند اخوها خلها تنفعك هي و ولدهـ..."

ماكملت كلامها الا لما صفقتها عبير وهن فوق راس الطعس الكل شافهن وركضوا لهن عيالهن وخلف ماكان يبي يتدخل او احد يتدخل كبار وللحين بيفرق بينهم ويفزع..

وقف عياله ورفع يديه لهم ومنعهم يتدخلون..

عبير:"استحي على وجهك..بنت عز اجل وش قصدك بالكلام هذا؟..لا تنسين الي قلته لك بالبر!"

مزنه:"مانسيته وانا الخبله اني صدقتك لو مسكت بنات وحفيداتي وتركت تهبهبين مع حفيداتك وبناتك ابرك!"

عبير:"ابرك اجل؟..ولا عشانك بنت عز ما تقدرين تشكريني وخلي حفيدك سعود يعلمك وش صار بالبيت شوفي يده وشوفي وش صار له لو ماطلعتكم من البيت وعلى راسهم انتي كان لا عيالك ولا احفادك يطالعون بوجهك انتي وبنات وحفيداتك!"

ناظرة مزنه سعود ويده الي شايلها وتقول مكسوره عشان الجرح قويي..

عبير:"اما هايف هذا ولدي ولا تهرجين وانتي ماتعرفين!..وش كثر عانيت معه انا ابيه وهو مايبيني حطي نفسك في مكاني ولا لعاد تهرجين"

سكتت مزنه وعرفت غلطها زين والكلام الي قالته لعبير يمكن هي ما كملت دراستها وعاشت تخدم اخوانها وابوها عكسها تماماً وهي المسؤوله عن حلال ابوها و ورثه و ولدها هايف هو اول انكسار لها وهي عمرها ما انكسرت مثل ما كسرها هايف..

إمرأه معاصره تحملت اشياء اكبر من عمرها ولا بحياتها انكسرت حملت وجابت و ولدها ولدها ما يبيها يبي خاله
تعدا الخمس سنين وهو مايبي الا اخو عبير ومع ذالك حملت وجابت بعده نهيان وكملت عشرين سنه بدون ما تشوف ولدها الي كبر بعيد عنها..