الَ هـيلـه

(25)-2

..

دخلت عليا بعدها وهي تطمن على الوضع وكان بندر يبتسم بمكانه

بندر:"لا تسألين عن الوضع كشفتني وعنادي زاد وردها سكتني"

عليا:"عزلله خلف جاتله حفيده"

بندر:"عمرك شفتي خلف بفراش المرض وهو يقول الهيله الهيله؟..ماكنت بصدق لو ماني بسامعه وهذي الهيله حطتها براسها وانا وصية خلف مين بيوقف بطريقها؟"

..

بمسجد الحي بعد صلاة الظهر بقي الي قاعد يقرا قرأن والي يسبحن ويستغفر والي طلع..

قعد هايل شوي بعد الصلاه يكمل اية الكرسي ويسبحن ويستغفر شويات الا وذا ظل واحد جاي من وراه..

سطام:"هايل؟..ياهلا ولله منزمان عنك"

هايل:"ياهلا ومرحبا..كيفك وكيف الوالد والاهل؟"

سطام:"الحمدلله كلهم بخير.."

هايل:"اقلط؟"

سطام:"اصلاً ابوي سبقني بس انا قلت بنتظرك ونروح مع بعضنا"

هايل:"يلا اجل ما اخليك تنتظر"

فز هايل له يوم شافه وطلعوا من المسجد مع بعضهم وهم يضحكون مع بعضهم..

دخلوا مع الباب وهم يسولفون لين قسى قلبه سطام وقاله سبب جيتهم..

سطام:"ولله يا هايل انت خويي من المتوسطه والله يديمها..بغششك ليش جيت قبل تعرفه من ابوي"

هايل:"عساه خير"

سطام:"انا بناسبكم..بناسب اهل خلف..بأذن واحد احد الهيله زوجتي ومسلط مثل ولدي لا توصي..ماراح تردوني صح؟"

كانت مثل اللخمه ولخمت هايل عن الرد وبان على وجه وابتسم سطام لانه يعرف انه يحب الهيله من وهو صغير ويبيها وماصارت له وهايل عارف انه يعرف بحبه للهيله..

هايل:"ليش.."

سطام:"هلا؟"

سأله هايل وهو مستغرب من حركته وقاعد يفكر بشي الي سواه له هايل عشان يسوي فيه كذا..

هايل:"وش سويت لك؟..لا تستغبي سطام انت تعرف اني ابي الهيله منزمان"

سكت سطام لين خلص كلامه وابتسم وتقدم له يهمس بأذنه بكل خباثه

سطام:"تعرف نعمان؟..انا ولده واسأل خوالك وش سوا نعمان بجدك"

رجع لمكانه وهايل مو فاهم شي وتقدم سطام وهو يضحك بصوت خفيف عشان يسمعه هايل وسبقه للمجلس..