الَ هـيلـه

11

"سعود تقدر تروح..شويات ونطلع اهلك"

كان واحد من الشرطه يعرف خلف واهله زين ويعرف انهم رجال وسعود كان جاي يسلم عزيز لهم ماكان موجود بموقع الطلق..

طلع سعود ورجع للبيت وكانت البيبان مفتوحه على الاخر..

دخل سعود داخل البيت وباب البيت مفتوح ونغزه قلبه ودخل داخل الا وسكر الباب وراه..

عيد:"انا وانت هنا ياسعود صح؟"

سعود:"وين الحريم!"

عيد:"كنت بسألك وين جدتك وخواتك وامك وعماتك ولا اقولك وينهي هيلـ..."

سعود:"لا تطريها على لسانك!"

قاطعه سعود وصفقه على وجه حتى صدم بالباب وراه من قوة الصفقه

عيد:"اي هيله!..انا خالها وانت من!"

سعود:"انا اخوها و ولد عمها الي مايسمح شي يمس شرفها لا هي ولا غيرها!"

عيد:"شجاب طاري الشرف الحين جاوبني وينهم ولا تشوف علماً ماهو بزين!"

سعود:"وش عقبه؟"

سأله سعود وطلع عيد مسدسه من جيبه على جبهة سعود..

عيد:"ماعقبه شي..تحب هيله؟"

..

هيله:"يمه ماراح اروح بعيد هنا بس"

نوره:"ياامي خليك عندنا!"

عبير:"خليها يانوره ماراح يصير فيها شي لنا ساعتين مافيه احد حولنا"

هيله:"لا تخافين يمه معليك بس ودي اقعد لحالي"

راحت هيله تقعد على واحد من الطعوس وراء خيمتهم ودخلت نوره وهي ماتبيها تروح..

بعدت هيله شوي وقعدت لها على طعس وهي لو تلف تشوفهم بس هم يمكن ما يشوفونها..

طلعت المسدس من تحت فستانها ما امداها تغيره حتى

مسكته ورفعته وحطت اصبعها على الزناد

هيله:"ياربي تمر الليله على خير!"

نزلت سلاحه ودعت والعبره تخنقها لانها خايفه مرره ياتسمع خبر موت احد ولا عيد يلقاهم

ضربت خدودها ماتبي تبكي وتتفاول شوي وتشوف احد من بعيد قاعد يمشي بجهتها

مو واضح لانه بعيد ومتلثم بس واضح ثوبه ابيض وعليه دم وتروعت هيله عجزت تقوم