مريم:منو هاي
صقر منصدم :منو؟!
مريم :لا تسوي نفسك غبي منو هاي
صقر : سمعتيني؟
مريم وهي تشاهق تعطيه كف :انا شو سويت لك عشان تسويلي جي وليش خطبتني من الاساس دام انك تحب وحده ثانيه
كانت بتروح بس صقر سحبها بقوه من ايدها
مريم :شو تبا بعد شو تبا ما كفاك الكف تبي واحد ثاني
صقر : سمعيني اول
مريم :ما ابا هدني
صقر :ما بهدج سمعيني
صقر: شوفي ترا انا ما حبيتج ابد بس امي كانت تبيني اخطبج من زمان فانا عشان افتك رحت خطبتج وكنت مخطط انه اول ما تيي فرصه افصخ الخطوبه وصح اني قصيت عليج وانتي ما تستاهلين وانا اصلا كنت افكر اتم وياج انتي بس انا ما ابا اتم ويا بنت خالتي وامها تكون ميته و انا اسف والله ما توقعت انج تسمعين
مريم انصدمت اكثر وقالت: والله انك حقير وعطته كف ثاني وتفلت عليه وراحت داخل
صقر انصدم من مريم
يوم يات تدش داخل دقت بشخص و بغت تطيح لاكن الشخص مسكها
حمد : مريم بسم الله شو فيج
مريم ما ترد عليه وخوزت ايده ويات تبا تدخل بس بعد مسكها حمد وقال لها
حمد: اكلمج مريم شوفييج
حمد طالع عالصوب الثاني و شاف صقر
حمد : اهااا خطيبج
مريم : ها مب خطيبي وعمره ما بيكون
صقر : مريم انتي قد اللي سويتيه
مريم : قده وقدود
صقر : زين زين ما عليه
حمد : شو سالفتكم انتو و صقر شوفيه خدك محمر
مريم : هدني
حمد ساحب عليها ويطالع صقر وهو عاقد حواجبه
وبطلت ايده بقوه و راحت
مريم راحت الصاله عشان تطلع وتروح بيتهم
لطيفه : مريم وين السويت
مريم كانت مغطيه ويها وطلعت وما ردت على يدتها
وصلت البيت وراحت لغرفتها وقفلت الباب وتمت تصيح وتشاهق وهي تقول ( انا شو سويت شو سويت عشان يصير فيني جي ماما ليش خليتيني ماما شوفي الدنيا كيف صارت صعبه من دونج ماما اللي كنت احبه و كنت اشوف الدنيا فيه طلع ما يحبني ويكلم وحده ثانيه شو اسوي ماما) وقامت وقعدت تعق كل شي تشوفه قدامها
دق الباب وقال: مريممم بطليي الباب
مريم: ....
..... : بطليييي
مريم : روح ما ببطل
..... : اوكيه كيفج بس خوزي من ورا الباب
مريم : حمد لا تفكر تسويها
حمد : ولو سويتها شو بيصير
مريم: ياخي خلاص روح شو دخلك فيني انته وما بخوز من ورا الباب لو تبا تكسره تراني وراه
حمد : اخيييهه ليش تعاندين جي
مريم : ما يخصك
حمد : تمام تمام روحت
بس ماراح قعد يتريا صوب الغرفه
مريم راحت عقت نفسها عالسرير وما حست بنفسها الا وهي نايمه
قامت الصبح على دقات الباب
سلطان : مريمممم بطلييي مريم لا يحون سويتي بنفسج شي
مريم قامت وراحت صوب الباب تبطله
سلطان : حمد خبرني عن سالفة صقر والله انه حيوان ما يستاهلج الكلب ما عليج حبيبتي انتي تستاهلين الاحسن منه
مريم ردت تصيح : بس كيف كيف اقدر انسى كل شي كيف تعبت
سلطان يحضنها : خلاص حبيبتي خلاص مريوم لا تقطعي قلبي عليج وها صقر انا بادبه
مريم : سطان خله برايه ما ابا اتصير مشاكل بس قهرني كيف يقول انه انا ما ابا اتم ويا وحده امها ماتت ، ماما ليش خلتنا ليش
سلطان وهو مصدوم من اللي سمعه خذا مريم وحطها عالسرير وغطاها وراح
سلطان : الو
حمد : هلا سلطان
سلطان : وين ها الحيوان
حمد : ما ادري والله انا طلعت من بيت يدوه
سلطان : انزين ما شفته يعني
حمد : امبلا كان موجود بالميلس
سلطان : تمام يلا باي
حمد : ياريال استهدي بالله لا تسوي شي تندم عليه
سلطان : اقولك باي
حمد من صوت سلطان عرف انه بيسوي مصيبه فركب الموتر وراح لبيت يده
سلطان دش الميلس : السلام عليكم
اللي داخل : وعليكم السلام
سعيد : هلا والله بسلطانوو وينك من زمان
سلطان سحب على كلام سعيد وراح صوب صقر وهو معصب
سلطان : منو انت عشان تقول لها جي
صقر : شو قلت حق منو؟!
سلطان مسكه بقوه وخلاه يوقف: لا تسوي نفسك غبي تكلم
صقر : اها والله ما قلت شي بس ...
سلطان : حد يقول هالكلام شو تحسب عمرك انته عبالك ما عندها حد يدافع عنها شو
سعيد : هدي يا ريال شو السالفه
سلطان يدز سعيد : لا تتدخل
صقر : انزين يالله يا استاذ سلطان خل نشوف البودي قارد شو بيسوي
سلطان عصب ونزل فصقر ضرب و قامو اللي بالميلس يحاولون يهدون سلطان بس ما قدرو
دخل حمد وراح صوبهم وسحب سلطان من ظهره ومسك ايده
سلطان : هدنيييي عليه هدنيييي
حمد : اهدا اهدا ياريال
سلطان : حمد هدني ياخي ما يخصكك
في هاللحظات الباقين شلو صقر وطلعوه من الميلس
سلطانن : خلوووه لا تطلعوهه
دخل عبدالله الميلس وهو مصدوم: حمد سلطان شوه السالفه
حمد : عميه عميه تعال ما اقدر امسكه خلاص
