عبدالله مسك سلطان وشله للموتر ودخله وقفل الباب و الدريشه
سلطان : عميه ياخي بطل ما بروح مكان بطل
عبدالله : انزين انتا اهدا عقب بنزلك
سلطان : مافيني شي خلاص بروح بيتنا بطلللل عميه بطل
حمد يطالعهم من برع السياره
نزل سلطان وراح صوب بيتهم
راح عبدالله صوب حمد ومسك كتفه
حمد : ما بتهدني لين تعرف السالفه صح عميه
عبدالله ابتسم
وحمد قال كل شي لعبدالله
عبدالله مصدوم : يستاهل ماياه اصلا انا ما كنت مرتاح له راعي سوالف هذه
نروح لصقر اللي من قوه الضرب مب مستوعب شو صار
سعيد: شو مسوي انت سلطان ما بعصب جي الا اذا في شي كبير
صقر : انتو شو دخلكم
سعيد : شوف لا تخليني اكمل عليك بروحك صرت معوق
صقر : شو بخاف منكم يعني
سعيد يطالعه بنظرات وعقب رد بيت يده
ونروح لسلطان اللي رد البيت وراح لاخته
دخل غرفه مريم و راح صوبها وقعد عدالها وعقد يمسح على
راسها : اهخخ يا مريم اهخخ والله اني منقهر محتر ما اعرف شو اسوي والدنيا ما توقف على حد
وبدت تنزل دموعه ومريم حست فيه وقامت حس فيها سلطان ومسح دموعه
مريم : سلطان
سلطان ابتسم : مريم
مريم : ما سويت شي صح
سلطان نزل راسه وقال: ضربته ولو ما مسكني حمد كنت بقتله
مريم : سلطان دخيلك خله يويليي خلاص ما ابا منه شي برايه بس لا تاذي نفسك خلاص بحاول انساه
وراحت تحضنه وقعدت تصيح وهو يمسح على راسها
طاف اليوم وماصار اي شي ثاني
مرت ثلاث ايام وعلى اذان الفجر قام سلطان وراح يتوضا وعقب راح يقوم سيف عشان يروح وياه
راحو سلطان وسيف المسيد وردو البيت كان الجو مغيم فاتفقوا سلطان و سيف على انهم يسوون ريوق و يقومو مريم ويروحو البحر يشوفون الشروق وراحو المطبخ وقعدو يسوون ريوق سريع ويوم يا سلطان يبي يطل شاف ابوه بويهه
سلطان : بسم الله
علي: شايف جني شو
سلطان يضحك
علي يبتسم : شو تسوي انته وياه بالمطبخ الحين
سلطان : قاله الخطه
علي : خلاص انا بوديكم وانتو خلصو وانا بروح اقوم مريم
سلطان: زين تسوي ابويه هذي رقادها ثقيل
