عقب ساعتين بعد رجعوا العزبه كان كل حد داش غرفه لانه الساعه ١١ بليل ومن عقب سالفه اليوم محد له خلق يسهر او يسوي شي
حمد ومريم دشو العزبه وما حصلوا حد قاعد بالجلسه ولا حد قايم فراحوا صوب الاسطبل
مريم راحت صوب خليها وقعدت تمسح عليه حمد قعد يطالعها ويبتسم عقب راح صوبها وحضنها من ورا وباس راسها وهي مسكت ايده اللي على خصرها وحضنتها وتمو على هالوضع يطالعو الخيل ومبتسمين لين حمد مسكها وخلاها تجابله ومسك ويهها
حمد : ويهج بارد عن تمرضين
مريم : عادي مب برد بس ويهي يبرد بسرعه
حمد : تعالي بدفيج
مريم : هاه
ضحك حمد عقب بطل عصامته ولفها على ويهها عقب مشو لين وصلوا صوب قسم البنات
حمد حضنها بقوه : تصبحي على خير حبيبتي
مريم : وانته من اهله
عقب دشت وحمد اترياها لين تسكر الباب وراح يرقد هو بعد
الساعه 3:30 قبل الاذان بنص ساعه
ميثه قامت وراحت صوب مريم
ميثه تدز مريم وتهمس : مريووم مريم قومي مريومم تعالي وياي المطبخ بليززز ققومميي يوعانه بموتت
مريم بصوت تعبان : ميثوه قومي عني المطبخ قريب روحي بروحج تعبانه انا ما اقدر اقوم
ميثه : شفيج تعبانه
مريم : ما ادري احس جسمي يعورني وبردانهه وايدد
ميثه حطت ايدها على راس مريم : مريوومم حاره وايدد ويت بييب لج دوا وماي
وراحت المطبخ لانها لانهم مقعدين الادويه فالمطبخ قعدت تدور وتدور لين حصلت الدوا وعقبها راحت صوب الدرج اللي فيه سناكات وخذت لها جبس كبير و ككاو وعقبها راحت الثلاجه وما لقت غير رد بول ( الحين مال منو ها الرد بول، اصلا محد قايم الحين محد بيعرف اني انا اللي خذيته ) خذته وسكرت الثلاجه عقب خذت ماي وكانت شاله الدوا والماي بايدها اليمين و الرد بول والككاو بايدها اليسار اما كيس الجبس كانت خاشتنه فجيب الهودي ويوم يت بتطلع دزت صحن كان على طرف الطاولة وطلع صوت قوي
ميثه : اوف اوف مب وقتك عقبها قعدت الاغراض على الطواله وراحت تييب فوطه عشان تنظف الزجاج
ميثه : وين تحط ميري الفوط وين احصلها الحيننن اوف قعدت تدور بكل مكان ما حصلت شي وراحت تجمع الزجاج بايدها
