Discord [COMPLETED]

Chapter 26

Pota, hirap humanap ng timing.

Kanina pa ako hindi mapakali rito sa klase, nag-iisip kung kailan at paano ko kakausapin si Eris para sabihan siyang huminto na sa panliligaw.

It's been a week since then at nakapag-isip naman na ako. Feeling ko talaga ay hindi naman niya ako deserved at wala rin siyang mapapala sa akin. Nag-aalangan na lang ako ngayon dahil hindi pa tapos ang thesis namin tapos what if maapektuhan yung research?

But then, naisip ko rin na professional na tao si Eris. Magiging ayos lang naman siguro iyon lalo pa't grades at yung graduation namin ang nakasalalay ro'n. Maybe it'll be awkward during internship, but if things go wrong, edi sa last setting ay hindi na ako sasama sa kanya.

"Tangina..." mahinang bulong ko habang takip ang bibig. Yumuko ako saglit at huminga ng malalim.

Hindi ko na maintindihan yung tinuturo. Bahala na.

"Friend," Napalingon ako kay Ana. "Okay ka lang? Kanina pa malalim paghinga mo, baka mahigop mo na kaming lahat."

Hindi ko alam kung matatawa ako o ano pero napangiti ako ng kaunti habang takip pa rin ang bibig. Nang ibaba ko 'yon ay inayos ko na ulit ang expression ko. "Wala, may iniisip lang."

"Tungkol sa...?"

"Wala."

"Sus, sa bebe mo lang 'yan, eh."

Kumunot ang noo ko. "Siraulo ka."

Napakislot ako nang tusukin niya ako sa tagiliran. Mabuti na lang hindi kami napapansin dito sa likuran kung hindi ewan ko na. Tinapik ko yung kamay niya at pinandilatan siya ng mata.

Sarap sapakin ng babaeng 'to, parang si —

Putangina, Bianca Heriel.

Automatic na hinanap ng mata ko kumg saan ang puwesto ni Eris. Mataman lang itong nakikinig sa prof na nasa harapan habang panaka-nakang nagsusulat ng notes. Ganoon din yung ginagawa ng dalawang kaibigan niyang sina Kean at Kara.

Kapag talaga ganoon siya kumilos, para siyang honor student na mabait at intimidating pero approachable once na ngumiti. No wonder people chose her to be the student government's president. Responsible din siya pero marunong maglaan ng oras para sa ibang tao na akala mo ay hindi ito busy.

Kaya hindi dapat niya sinasayang ang oras sa akin, mas okay na friends kami.

Natigilan ako nang mapalingon siya sa gawi ko at biglang ngumiti nang magsalubong ang tingin namin. Tinaasan ko siya ng kilay at muling yumuko, pasimpleng napahawak sa bandang puso ko. Tangina.

Anong ngiti 'yon?

Natapos ang buong klase na wala akong naintindihan. Wala kaming pasok ngayon sa HR at wala na rin naman nang klase kaya nagmamadali akong nag-ayos ng gamit at naglakad palabas.

Panay lakad lang ako hanggang makalabas ng school, iniisip pa rin yung nangyari kanina. Parang gago talaga, sobrang weird.

Ngayon paano ko siya mapapatigil sa panliligaw kung ganitong hindi na nga ako makatiyempo ay parang natatanga pa yata ako? Pakshet talaga.

Bahala na nga. Bukas na lang. Siguro naman bukas alam ko nang gagawin.

"Maria Clara —"

"Ay, putangina." Napalingon ako sa tumawag sa akin gamit ng familiar na moniker na 'yon. Asar na nilingon ko si Eris na ngiting-ngiting nakatitig sa akin habang nasa harapan nito ang sukbit na bag. "Nanggugulat ka ba?"

"Tinawag lang kaya kita," Tumawa siya ng mahina. Sarap sakalin ng hayop. She took a step forward and I took a step back, maintaining distance. Mukhang napansin niya rin iyon. "What's up?"