Unicode
"တိမ်ယံ....မင်းအိမ်ကလာမကြိုသေးဘူးလား''
"အေးဟာ...ကိုကိုက သူလာကြိုမယ်ဆိုပြီး အခုထိလဲ ရောက်မလာသေးဘူး''
"ဒါဆိုငါနဲ့လိုက်ခဲ့လေ ငါမင်းအိမ်ပို့ပေးမယ်''
"ဟင့်အင်း! ဟင်အင်း! ငါမလိုက်ရဲဘူး''
ကျောင်းပေါက်ဝမှာ လွယ်အိတ်လေးပိုက်ပြီး ကိုကိုအားယံယံ စောင့်နေရသည် ။ ကျောင်းဆင်းတာဖြင့် နာရီဝက်လောက် ရှိနေပြီ အခုထိကိုကိုရောက်မလာသေး ။ ထုထည်က သူ့ရှေ့ကားရပ်ပြီး လိုက်ပို့မယ်ပြောနေပေမဲ့ ယံယံလက်မခံရဲပါ ။
ကိုကိုက သူစကားနားမထောင်ရင် တိမ်ယံကို ခွေးမဲမဲကြီးတွေနဲ့ ခြောက်တတ်သည် ။ ယံယံက ခွေးသေးသေးလေးတွေကို မကြောက်တတ်ပေမဲ့ ခွေးဘီလူးတို့ ၊ အမဲလိုက်ခွေးတွေကိုတော့ သေလောက်အောင်ကြောက်တတ်ပါသည် ။ဒါကိုသိတဲ့ကိုကိုက ယံယံသူ့စကားနားမထောင်တိုင်း အမြဲအနိုင်ကျင့်တတ်သည် ။
အဲ့လိုလုပ်လို့ ယံယံကငိုပြန်ရင်လည်း ကိုကိုကရအောင်ချော့တတ်သေးသည် ။ အိမ်ကမမတို့ကိုတော့ ပြန်မပြောရဘူးလို့လည်း ပြောထားသေး၏ ။ ယံယံ မလွန်ဆန်ရဲပါ ကိုကိုက တစ်ခါတလေးကျ သိပ်ကြောက်စရာ ကောင်းသည် ။ တစ်ခါတလေကျလည်း ယံယံအပေါ် ကြင်နာတတ်ပြီး ဂရုစိုက်တတ်သေးသည် ။
ကိုကိုက ယံယံအပေါ် တစ်ခါတရံ အနိုင်ကျင့်တတ်ပေမဲ့ အများကြီး ဂရုစိုက်ပေးတော့ ယံယံသိပ်မကြောက်တာလည်း ဖြစ်နိုင်ပါသည် ။
တစ်ခုဘဲ ကိုကိုကလေ ယံယံကိုတစ်ခြားသူတွေနဲ့စကားပြောတာတွေ့ရင် မကြိုက်ဘူးတဲ့ .....
"ဘာလို့မလိုက်ရဲတာလဲဟ! ငါလဲမင်းကို ဘာမှမလုပ်ပါဘူး တိမ်ယံရာ မသိရင်ငါကဘဲ တစ်ခုခုလုပ်မှာဆိုးတဲ့ပုံနဲ့''
"အဲ့လို မဟုတ်ပါဘူး ငါက မင်းကိုအလုပ်မရှုပ်စေချင်လို့ပါ''
"ဘာဆိုင်လဲ မင်းနဲ့ငါက သူငယ်ချင်းတွေဘဲလေ အခုအတော်လေးနောက်ကျနေပြီကွ မင်းတစ်ယောက်ဘဲကျန်တော့တာနော်''
"...........''
"လာပါကွာ....မင်းကလဲ''
တိမ်ယံလည်း မထူးဘူးဆိုကာ ထုထည်၏ကားထဲဝင်ဖို့အလုပ်....
