Unicode
"တုံတုံရေ....တုံတုံ ဘယ်မှာလဲ တုံတုံ.....''
တိမ်ယံတစ်ယောက် အိမ်ထဲမှာတုံတုံကို မတွေ့တာကြောင့် ခြံအပြင်ထွက်ရှာနေရသည် ။ အစာကျွေးမလို့ ကြောင်လှောင်အိမ်ထဲလာကြည့်တော့မတွေ့တာကြောင့် အပြင်လျှောက်ထွက်နေမှာကို စိုးရိမ်မိသွားသည် ။ တုံတုံက ယံယံ၏ အချစ်တော်ကြောင်လေးဖြစ်နေတာမို့ အစားအသောက်ကအစ ဂရုတစိုက်ကျွေးဖြစ်တာပင် ။ ကြောင်ကလည်း အလိုလိုက်မှန်းသိရျ် ကြောင်ပါးဝလွန်းလှ၏ ။
နေနှင့်အုံး ရှာတွေ့မှ ကြောင်ပါးမဝရဲအောင် နာနာလေးရိုက်ထားရမယ် ဟမ့်....
မြောင်.......
ယံယံခြံထဲပတ်ရှာနေရင်း ကြောင်သံကြားလိုက်တာကြောင့် အသံကြားရာဘက် လိုက်လာခဲ့၏ ။ တစ်နေရာအရောက်တော့ တွေ့ပါပြီ ကြောင်စုတ် ၊ တုံတုံက မြက်ပင်စိမ်းစိမ်းတွေထဲ လိပ်ပြာလိုက်ဖမ်းနေပြီ နည်းနည်း အလှမ်းဝေးသည့်နေရာမှာ ကိုကိုက သတင်းစာထိုင်ဖတ်နေတာကို ယံယံတွေ့လိုက်သည် ။
ကိုကိုက သူ့ကိုမြင်တော့ပြုံးပြလာပြီး လာထိုင်လေဆိုတဲ့သဘောနှင့် ဘေးခုံကိုမေးငေါ့ပြနေသည် ။ ယံယံကိုကိုစီ မသွားသေးဘဲ တုံတုံစီကိုသာ ဦးတည်လိုက်၏ ။
ဒါကိုမြင်သွားသည့် ထိုက်တန်မှာတော့ မျက်မှောင်ကြုံ့လျက်ပေ ။ အလိုမကျတဲ့မျက်နှာအဖြစ်ချက်ချင်းပြောင်းသွားတော့သည် ။ သတင်းစာကို စားပွဲခုံပေါ်တင်လိုက်ပြီး ထရပ်ရျ် တိမ်ယံစီခပ်မှန်မှန်လေးလျှောက်လာလိုက်သည် ။ တိမ်ယံကတော့ သတိပြုမိပုံမရ ကျုံ့ကျုံ့လေးထိုင်ပြီး ကြောင်နဲ့ကစားနေသည် ။
ထိုက်တန်က ဘောင်းဘီအတ်ကပ်ထဲလက်ထည့်ပြီး တိမ်ယံအားမတ်တပ်ရပ်ကြည့်နေတော့သည် ။ ကြောင်ကိုတော့ မျက်မှောင်ကြုံ့လျက်ပဲ ကြည့်တတ်၏ ။တုံတုံက သူ့အားမြင်တော့ ကြောက်နေတဲ့ပုံစံနဲ့ တိမ်ယံနားပြေးကပ်သွားသည် ။
"ယံယံ.........''
"ဟင်.....ကိုကို ခုနက သတင်းစာဖတ်နေတာ ဟုတ်ဖူးလား''
"ဟုတ်တယ် ယံယံကိုစကားပြောဖို့ခေါ်တာ ယံယံမလာတော့ ကိုယ်လာရတာပေါ့''
