Unicode
ထိုက်တန်တစ်ယောက် ကော်ဖီခွက်ကိုင်ရင်း မီးဖိုခန်းထဲ ကော်ဖီဖျော်နေတုန်းမှာပဲ သူ့ဘေးနားလာပြီး မာန်ဖီပြနေတဲ့ကြောင်အား တွေ့ရ၏ ။ ကြောင်က သူ့အားကြည့်ပြီး ရန်သူတစ်ယောက်ကိုတွေ့နေရသလိုမျိုး ကုပ်ဖို့ချောင်းနေသည် ။ သူ့မျက်နှာထက် ကြောက်စရာအပြုံးတစ်ခု လုပ်ယူလိုက်ပြီး ကိုယ်ကိုကိုင်းရျ် ကြောင်ကိုပြန်စိုက်ကြည့်နေလိုက်၏ ။
"မင်းက ငါ့ကိုရန်လိုနေတာလား!''
မြောင်......
"ဘာလဲ ငါကမင်းကို သတ်ပစ်မှာစိုးရိမ်နေတာလား''
သူ့အသံက တည်ငြိမ်တယ်ထင်ရပေမဲ့ ကြားရသူတိုင်းအတွက် ကျောချမ်းစရာအတော် ကောင်းသည် ။ သူက ရေခဲသေတ္တာထဲမှငါးသေတ္တာဗူးကိုယူပြီး အဖုံးဖွင့်ကာ ကြောင်ရှေ့ချပေးလိုက်သည် ။ မျက်နှာမှာလဲ ခုနအပြုံးကြီးအားချိတ်ဆွဲလျက်....
"ဝအောင်စား! မင်းအတွက်နောက်ဆုံးစားခြင်းလဲ ဖြစ်သွားနိုင်တယ် ''
မြောင်.....မြောင်.....
ကြောင်က ဘယ်လောက်ပဲ မာန်ဖီနေစေအုံးတော့ သူ့ရှေ့ကအစားကောင်းကိုတော့ မျက်နှာမလွှဲနိုင်ပေ ။
......................
"ကြာလိုက်တာ တိမ်ယံရာ၊ ငါထိုင်စောင့်နေတာ ဖင်သေတော့မယ်ကွ!''
"မင်းကလဲကွာ ငါလဲမင်းလှမ်းခေါ်ချင်းထွက်လာတာပဲဟ! လမ်းမှာ ကားတွေက ဒီလောက်ကြပ်နေတာကို''
"ထားပါတော့ ဘာစားမလဲမှာလိုက်''
"အေး....ငါအအေးပဲသောက်မယ် မင်းမှာလိုက်''
ထုထည်က သူ့ကိုမျက်စောင်းထိုးလိုက်ပြီး သူ့အတွက် စတော်ဘယ်ရီအအေးတစ်ခွက်မှာပေးသည် ။ ခဏအကြာသူ့အတွက် ဖျော်ရည်ခွက်လေးလာချပေးသွားတာကြောင့် သူအမြန်တစ်ငုံမော့လိုက်သည် ။
"ဖြည်းဖြည်းသောက် ၊ သီးနေအုံးမယ်''
"အေးပါ ခေါ်တာ ဘာပြောမလို့လဲ ''
"မင်းလိုချင်တဲ့ ဖိနပ်တွေ ငါ့အမေဆိုင်မှာရောက်နေပြီ အဲ့တာမင်းလိုက်ကြည့်မလားလို့ ငါကခေါ်တာ''
