ကျွန်တော် ရဲ့ ဒေါက်တာလေး / ကြၽန္ေတာ္ ရဲ့ ေဒါက္တာေလး { Z & U } ## Completed##

🍁18🍁 { Zawgyi }

📞ပါး ကျွန်တော့်အပေါ် ဘာလို့ ရက်စက်ရတာလဲ။ 📞

📞ဝေ့ရင်း ပါး မင်းအပေါ် ရက်စက်တာ မဟုတ်ဘူး။ မင်းကို အန္တရာယ် တွင်းထဲကနေ ဆွဲထုတ်လိုက်တာ။📞

📞ပါး အာဏာရအောင် ပြန်ယူမယ်။ ဒီည သူတို့ အောင်ပွဲခံကြမှာ။ ဒီညမှာ လန်၀မ့်ကျီး ကို ပါး ရအောင် သတ်မယ်။ လန်၀မ့်ကျီး သေရင် သူ့အဖေ ကို သတ်ရမှာ အလွယ်လေး ဖြစ်သွားပြီ။ 📞

📞ပါး မလုပ်ပါနဲ့။ အရှုံးကို လက်ခံလိုက်ပါ။ ပါး ဒီကို လိုက်ခဲ့ သားတို့ ဘ၀အသစ်ကနေ ပြန်စမယ်။ သားကို ချစ်တယ်မလား။📞

📞ချစ်တယ် ပါး ဘ၀မှာ သားနဲ့ သားရဲ့မား ကိုသာ ချစ်တယ်။ ဒါပေမယ့် သားတို့ထက် ပါး အာဏာကို ပိုချစ်တယ်။ အာဏာရမှ သားတို့ကို ပါး ကာကွယ် ရမှာ။ ဒါပဲနော် သား! ပါး အလုပ်လုပ်လိုက်အုံးမယ်။📞

📞ပါး!! ပါး 📞

တစ်ဖက်က ဖုန်းချသွားပြီ မို့ ဝေ့ရင်း ဘာလုပ်လို့ လုပ်ရမှန်း မသိတော့ပေ။ ပါး နဲ့ အနီးနားနေနေသော သက်တော်စောင့်ဆီ ဖုန်းဆက်ပေမယ့် တစ်ဖက်က မကိုင်ပေ။

ဝေ့ရင်း - ကျစ်!!

ဝေ့ရင်း အခန်းတံခါးကို ဆွဲဖွင့်ပြီး အိမ်အောက်ထပ် ဆင်းကာ တံခါးမကြီး ဆီကို လျှောက်လှမ်းလာလိုက်သည်။ တံခါးမကြီး ရှေ့ ရောက်တော့ မြင်လိုက်ရတဲ့ မြင်ကွင်း က သူ့ကို စိတ်အကြီးအကျယ် ပျက်စေသည်။

ဝေ့ရင်း - ဒါဘာလုပ်ထားတာလဲ။

- သခင်ကြီး အမိန့်အတိုင်း သံတိုင်တွေ ခတ်ထားတာပါ။

ဝေ့ရင်း - အခုချက်ချင်း တံခါးဖွင့်!!!

- တောင်းပန်ပါတယ် သခင်လေး။ သခင်ကြီး အမိန့်မရပဲ ကျွန်တော်တို့ ဖွင့်လို့ မရပါဘူး။

ဝေ့ရင်း - တောက်စ်!!

ဝေ့ရင်း ဒေါသထွက်စွာ အပေါ်ထပ်ကို ပြန်တတ်လာလိုက်ပြီး သူ့အိပ်ခန်းရဲ့ ပြတင်းတံခါးကို ဖွင့်လိုက်တော့လည်း သံတိုင်တွေဖြင့် ဘောင်ခတ်ထားတာမို့

ဝေ့ရင်း - တောက်စ်!!! ဘာကိစ္စ သူ့ကို အကျဥ်းသားလို နေခိုင်းတာလဲ။ ဟာကွာ!!!