صورة من فيلم jeune et jolie ...
من اقوى افلام لتفرجت فيهم تصوير اخراج قصة مضمون soundtrack نفس كرونيكات لنكتب فيهم تفرجو فيه بدون تفكير .... ❤️☺️
قصة جديدة مغامرة جديدة شاركونى افكاركم كى عادة ، مش باش نقول نفس كلام اما تقريبا فهمتو اسلوب كتابتى إل...
Oops! This image does not follow our content guidelines. To continue publishing, please remove it or upload a different image.
"متعود نعيش كل نهار بنهارو موت امى عطانى درس و فهمنى دنيا على بكرى وخلانى نعرف انو حياة جدا قصيرة و نهار إللى يمشي ما يرجعش و انو فى اى ساعة و اى دقيقة نجم نموت هذاكا علاش كنت نتسابق مع دنيا اول ما خرجت من تونس كنت عاقد العزم نعيش بآى طريقة نوصل نوصل حتى لو عملت حاجات خارج عن مبدأى مهم نعيش خاطر ماكنتش عايش كنت نتفس مع ناس كهو ماكانش عندى وقت حتى نلعب و الا نضحك شلت الهم على صغر سنى راو كى نقول نحب نعيش مش معناه نحب نركب فيرارى و نقعد فى وتلة و نملك ديار كنت نحب حاجات بسيطة لعمرى ما عشتها لحكى عليها Serge Reggiani فى غنايتو le temps qui reste Je veux rire, courir, pleurer, parler, Et voir, et croire Et boire, danser, Crier, manger, nager, bondir, désobéir J'ai pas fini, j'ai pas fini Voler, chanter, parti, repartir Souffrir, aimer...
و حمد لله عشت 🙂 و خذيت اكثر ماللى تمنيت لكن مع كل نهار كان فما خوف رهبة وجيعة فى معدة من رعب مناش ؟ من مجهول ديما كنت حاسس باش يجى نهار و تطلع سعادة لعاطيهالى ربي وقتية رصيدها باش يوفى رغم اللى نعرف ربي رحمتو واسعة و غفور رحيم و حتى كان انا ما نصليش نعرف ربي و نخافو و حتى كان غلط ملزوز و ياما حبيت نوقف وجيعتى و ذنبى و ما نجمتش و غلطة تجر غلطة فى حياتى لكن عمرى ما ضريت حد و لا كانت عندى نية نضر حد مظلوم ...لغاية هالساعة ماشي عالخط الصحيح " _____________________________________________
وقف ماهر فى بيتو يلمد فى فاليز تاعو سوار قاعدة مقابلتو على كانبى حاطا الكيت و تغنى و تلعب بشعرها -نحى الكيت من وذنيك عندى ما نحكى معاك -اه ؟؟؟ اشارلها بيديه على الكيت ... -الكيت الكيت -اووووف نعم 😒
Oops! This image does not follow our content guidelines. To continue publishing, please remove it or upload a different image.